ஆஸ்திரேலியா மற்றும் பாகிஸ்தான் அணிகள் 3 போட்டிகள் கொண்ட டெஸ்ட் தொடரில் விளையாடி வருகின்றன. இரு அணிகளுக்கும் இடையிலான முதல் டெஸ்ட் போட்டி டிசம்பர் 14-இல் தொடங்கியது. 4-ஆம் நாள் ஆட்டத்தில் லயன் 27.1 வது ஓவரில் பஹீம் அஸ்ரஃப் விக்கெட்டினை எடுத்ததன் மூலம் சர்வதேச டெஸ்ட் போட்டிகளில் 500 விக்கெட்டுகளை எடுத்த சுழற்பந்துவீச்சாளர் என்ற சாதனையை படைத்துள்ளார்.
360 ரன்கள் வித்தியாசத்தில் ஆஸ்திரேலிய அணி மிகப் பெரிய வெற்றியினை பெற்றுள்ளது. இதன் மூலம் தொடரில் 1-0 என முன்னிலை வகிக்கிறது.
ஆஸ்திரேலியாவுக்காக அதிக டெஸ்ட் விக்கெட்டுகள் எடுத்தவர்கள் பட்டியலில் 3வது இடத்துக்கு முன்னேறியுள்ளார் 36 வயதான நேதன் லயன்.
உலக அளவில் சுழல் பந்து வீச்சாளர்கள் வரிசையில் 3வது இடமும் அனைத்து பந்து வீச்சாளர்கள் வரிசையில் 8வது இடத்துக்கு முன்னேறியுள்ளார். அஸ்வின் 9வது இடத்தில் இருக்கிறார்.
இதையும் படிக்க: மறுமணம் எப்போது?: நடிகை சமந்தா அதிரடி பதில்!
இந்நிலையில் ஆஸி. கேப்டன் கம்மின்ஸ், “ஷேன் வார்னேவின் சாதனையை லயனால் முறியடிக்க முடியும். இன்னும் 4 அல்லது 5 ஆண்டுகள் விளையாட முடியும். ஆண்டுக்கு 10 போட்டிகள் என்றாலும் 40-50 போட்டிகள் அவரால் விளையாட முடியும். சராசரியாக ஒரு போட்டிக்கு 4-5 விக்கெட்டுகள் எடுத்தாலும் இன்னும் சில நூறு விக்கெட்டுகள் எடுக்கலாம். அப்படி பார்த்தால் 700 வந்துவிடுமே” எனக் கூறியுள்ளார்.
ஆஃப்- ஸ்பின்னர் ஒருவர் டெஸ்டில் 500 விக்கெட்டுகள் எடுப்பது இது இரண்டாவது முறையாகும்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.