ஐசிசி ஐசிசி தகுதிச் சுற்றுப் போட்டிகள் ஜிம்பாப்வேயில் நடைபெற்று வருகிறது. சூப்பர் 6 சுற்றுக்கு 6 அணிகள் தேர்வாகியுள்ளது. இந்த சுற்றில் இருந்து இரண்டு அணிகள் ஐசிசி உலகக் கோப்பை போட்டியில் பங்கேற்கும். அதனால் இந்தப் போட்டி முக்கியமாக உள்ளது.
இதையும் படிக்க: டெஸ்டில் 1000 பவுண்டரிகள் அடித்து ஸ்மித் சாதனை!
மேற்கிந்திய தீவுகள் அணி 43.5 ஓவர் முடிவில் 181 ரன்களுக்கு ஆல்-அவுட் ஆனது. இதில் அதிகபட்சமாக ஜேசன் ஹோல்டர் 45 ரன்கள் எடுத்தார். ஷெபியார்ட் 36 ரன்களும் எடுத்தார். பிராண்டன் கிங் 22 ரன்களும் பூரண் 21 ரன்களும் எடுத்தனர். மற்ற வீரர்கள் சொற்ப ரன்களில் ஆட்டமிழந்தனர்.
ஸ்காட்லாந்து அணி சார்பில் பிராண்டன் மெக் முல்லேன் 3 விக்கெட்டுகளும் கிறிஸ் சோல், மார்க் வாட், கிறிஸ் கிரேவிஸ் தலா 2 விக்கெட்டுகளை எடுத்து அசத்தினார்கள்.