வில்லியம்சனுக்கு எலும்பு முறிவு உறுதி: மாற்று வீரருக்கு அழைப்பு விடுத்த நியூசி.!

கடந்த ஐபிஎல் தொடரில் குஜராத் அணி பீல்டிங்கின் போது சிஎஸ்கே அணி வீரர் ருதுராஜ் அடித்த பந்தினை பவுண்டரி லைனில் தடுக்க பாய்ந்து குதித்தபோது கால்கள் மடங்கி கீழே விழுந்தார். சிக்ஸரை தடுத்து பவுண்டரியாக மாற்றினார். கீழே விழுந்த வில்லியம்சன் எழ முடியவில்லை. இந்த காயம் காரணத்தினால் ஐபிஎல் தொடரிலிருந்து வெளியேறினார். 

இதனால் ஒருநாள் உலகக் கோப்பை போட்டியிலும் விளையாட முடியுமா என கேள்வி எழுந்தது. பின்னர் கடின உழைப்புக்குப் பிறகு நியூசிலாந்தின் 3வது போட்டியில் வங்கதேசத்துக்கு எதிரான போட்டியில் களமிறங்கினார்.

இதையும் படிக்க: பாக். எதிரான போட்டி: டாஸ் வென்ற இந்திய அணி பௌலிங் தேர்வு! 

வில்லியம்சன் 78 ரன்கள் எடுத்திருந்த போது காயம் காரணமாக பாதியிலேயே வெளியேறினார். ரன் ஓடும்போது ஃபீல்டிங்கில் இருந்து பந்தினை வீசும்போது அது வில்லியம்சனின் இடது கையில் பட்டது. இருந்தும் சிறிது நேரம் அணிக்காக விளையாடினார். பின்னர் குறைவான ரன்களே தேவைப்பட்டபோது ரிடையர்ட் ஹர்ட் முறையில் வெளியேறினார். 

இதையும் படிக்க: முதல் 10 நிமிடங்களை தவறவிடாதீர்கள்: ரசிகர்களுக்கு வேண்டுகோள் விடுத்த லோகேஷ் கனகராஜ்! 

இந்நிலையில் இன்று ஸ்கேன் செய்யப்பட்டப் பிறகு காயம் உறுதியாகியுள்ளது. இது குறித்து நியூசிலாந்து அணியின் தலைமைப் பயிற்சியாளர் கேரி ஸ்டெட், “ஐபிஎல்-இல் முட்டியில் எற்பட்ட காயத்திலிருந்து கடினமாக உழைத்து இந்த நிலைமைக்கு வந்த கேன் வில்லியம்சனை நினைத்து வருத்தமாக இருக்கிறது. தற்போது ஸ்கேன் செய்ததில் இருந்து வருத்தமளிக்கும் செய்தியே கிடைத்துள்ளது. 

இதையும் படிக்க: வைரஸ்களை எதிர்த்து போராடும் பூஸ்டர்: சிகிச்சை குறித்து சமந்தா பதிவு!

இடது கை கட்டை விரல் எலும்பு முறிதுள்ளது. ஆனால் எழும்புகள் உடைந்தும் நகரவில்லை. அதனால் சீக்கிரமே குணமாக வாய்ப்புள்ளது. வில்லியம்சனுக்கு இன்னும் சிறிது காலம் ஓய்வு தேவைப்படுகிறது. உலகின் தலைசிறந்த கிளாசிக் வீரரான வில்லிய்மசனுக்கு இந்த உலகக் கோப்பையில் திரும்பவும் விளையாட வாய்ப்பினை அளிக்கிறோம். கடைசிப் போட்டிகளில் விளையாட வாய்ப்பு இருக்கிறது. இன்னும் அணியில் இருந்து நீக்கவில்லை. இருந்தபோதிலும், விக்கெட் கீப்பர் பேட்ஸ்மேன் டாம் பிளண்டலை இந்தியாவுக்கு வரவழைத்துள்ளோம். அவரை இன்னும் அதிகாரபூர்வமாக நியூசிலாந்து அணியில் சேர்க்கவில்லை” எனவும் கூறியுள்ளார்.