அதிவேகமாக 150 விக்கெட்டுகள் வீழ்த்தியவர்கள் பட்டியலில் ஆடம் ஸாம்பா!

அதிவேகமாக ஒருநாள் போட்டிகளில் 150 விக்கெட்டுகள் வீழ்த்திய சுழற்பந்துவீச்சாளர்கள் பட்டியலில் ஆஸ்திரேலிய வீரர் ஆடம் ஸாம்பா இணைந்துள்ளார்.

உலகக் கோப்பையில் பெங்களூருவில் நேற்று (அக்டோபர் 20) நடைபெற்ற ஆட்டத்தில் ஆஸ்திரேலியா - பாகிஸ்தான் அணிகள் மோதின. இந்தப் போட்டியில் ஆஸ்திரேலியா 62 ரன்கள் வித்தியாசத்தில் பாகிஸ்தானை வீழ்த்தி நடப்பு உலகக் கோப்பைத் தொடரில் இரண்டாவது வெற்றியைப் பதிவு செய்தது.

இதையும் படிக்க: இனிவரும் போட்டிகளில் வெற்றி பெறுவோம்: பாகிஸ்தான் தொடக்க ஆட்டக்காரர்!

இந்தப் போட்டியில் ஆஸ்திரேலியா தரப்பில் சிறப்பாக பந்துவீசிய ஆடம் ஸாம்பா 4 விக்கெட்டுகளைக் கைப்பற்றி அசத்தினார். இதன்மூலம் ஒருநாள் போட்டிகளில் அதிவேகமாக 150 விக்கெட்டுகள் எடுத்த சுழற்பந்துவீச்சுளார்கள் பட்டியலிலும் அவர் இணைந்தார். 89 போட்டிகளில் இந்த சாதனையை அவர் படைத்துள்ளார். 

ஒருநாள் போட்டிகளில் அதிவேகமாக 150 விக்கெட்டுகள் வீழ்த்திய சுழற்பந்துவீச்சாளர்கள்

சாக்லைன் முஸ்தக் - 78 போட்டிகளில் 
ரஷித் கான் - 80 போட்டிகளில் 
அஜந்தா மெண்டிஸ் - 84 போட்டிகளில் 
குல்தீப் யாதவ் - 88 போட்டிகளில் 
இம்ரான் தாஹிர் - 89 போட்டிகளில்
ஆடம் ஸாம்பா - 89 போட்டிகளில்