உலகக் கோப்பை தொடர்களில் அதிகமுறை தோல்வியடைந்த அணி என்ற சாதனையை இலங்கை படைத்துள்ளது.
இந்தியாவில் நடைபெற்று வரும் உலகக் கோப்பை ஒருநாள் கிரிக்கெட் தொடரில், புணேவில் நடைபெற்ற 30-வது லீக் போட்டியில் இலங்கையும், ஆப்கானிஸ்தான் அணியும் திங்கள்கிழமை மோதின.
இந்தப் போட்டியில் முதலில் பேட்டிங் செய்த இலங்கை அணி அனைத்து விக்கெட்டுகளையும் இழந்து 241 ரன்கள் மட்டுமே எடுத்தது. தொடர்ந்து களமிறங்கிய ஆப்கானிஸ்தான் அணி 7 விக்கெட்கள் வித்தியாசத்தில் அபார வெற்றி பெற்றது.
இந்த தொடரில் விளையாடி 6 போட்டிகளில் 4 தோல்விகளை சந்தித்துள்ள இலங்கை அணி புள்ளிப்பட்டியலில் 6-வது இடத்தில் உள்ளது.
இதையும் படிக்க | கோலி பிறந்தநாள்: மறக்க முடியாததாக மாற்ற காத்திருக்கும் ஈடன் கார்டன்!
இந்நிலையில், உலகக் கோப்பை கிரிக்கெட் தொடரில் இதுவரை 43 முறை தோல்வியை சந்தித்துள்ள இலங்கை அணி, ஜிம்பாப்வே அணியின்(42 தோல்விகள்) சாதனையை முறியடித்துள்ளது.
மூன்றாவது இடத்தில் இங்கிலாந்து அணி 37 தோல்விகளுடன் உள்ளது.