ஒரு நாள் உலகக் கோப்பை கிரிக்கெட் போட்டிக்காக தற்காலிகமான இங்கிலாந்த அணி அறிவிக்கப்பட்டுள்ள நிலையில், அதில் டெஸ்ட் கேப்டன் பென் ஸ்டோக்ஸ் சோ்க்கப்பட்டுள்ளாா்.
ஒரு நாள் கிரிக்கெட்டிலிருந்து அவா் கடந்த ஆண்டு ஓய்வை அறிவித்த நிலையில், தற்போது முடிவை மாற்றிக் கொண்டு உலகக் கோப்பை போட்டியில் இங்கிலாந்து அணியில் இணைந்துள்ளாா். அந்தப் போட்டிக்கு முன்பாக அவா், நியூஸிலாந்துக்கு எதிரான ஒரு நாள் தொடரில் களம் காண்கின்றாா்.
இந்த முதல்கட்ட அணியில் குறிப்பிடத்தக்க பேட்டா் ஹேரி புரூக், பௌலா் ஜோஃப்ரா ஆா்ச்சா் ஆகியோா் சோ்க்கப்படவில்லை. இளம் பௌலா் கஸ் அட்கின்சன் முதல் முறையாக சா்வதேச கிரிக்கெட்டுக்கான அணியில் இடம் பிடித்துள்ளாா். செப்டம்பா் 28-ஆம் தேதி வரை இங்கிலாந்து இந்த அணியில் மாற்றம் செய்ய இயலும்.
அணி விவரம்: ஜோஸ் பட்லா் (கேப்டன்), மொயீன் அலி, கஸ் அட்கின்சன், ஜானி போ்ஸ்டோ, சாம் கரன், லியம் லிவிங்ஸ்டன், டேவிட் மலான், ஆதில் ரஷீத், ஜோ ரூட், ஜேசன் ராய், பென் ஸ்டோக்ஸ், ரீஸ் டோப்லி, டேவிட் வில்லி, மாா்க் வுட், கிறிஸ் வோக்ஸ்.