செய்தி மடல்
இ-பேப்பர்
10 ஆண்டுகளுக்குப் பிறகு முதல் முறையாக நியூசிலாந்து அணி வங்கதேசம் சுற்றுப்பயணம் மேற்கொண்டு ஒருநாள் மற்றும் டெஸ்ட் தொடரில் விளையாடவுள்ளது.
இந்த ஒருநாள் மற்றும் டெஸ்ட் தொடர் முறையே செப்டம்பர் மற்றும் நவம்பர் மாதங்களில் நடைபெறவுள்ளது. இரு அணிகளுக்கும் இடையிலான 3 போட்டிகள் கொண்ட இந்த ஒருநாள் தொடர், உலகக் கோப்பைக்கு முன்னதாக தங்களை தயார்படுத்திக் கொள்ள அந்த அணிகளுக்கு உதவும்.
இதையும் படிக்க: பிரபாஸுடன் இணையும் துல்கர் சல்மான்?
நியூசிலாந்து அணி உலகக் கோப்பை தொடரில் தனது முதல் ஆட்டத்தில் இங்கிலாந்துடன் மோதுகிறது. அதேபோல வங்கதேசம் அக்டோபர் 7 ஆம் தேதி தனது முதல் போட்டியில் ஆப்கானிஸ்தான் அணிக்கு எதிராக விளையாடுகிறது. இதற்கிடையில் இரு அணிகளுக்கும் இடையிலான இருதரப்பு தொடர் வருகிற செப்டம்பர் 21 முதல் தொடங்கவுள்ளது.
இரு அணிகளுக்கும் இடையிலான மூன்று ஒருநாள் போட்டிகளும் வங்கதேசத்தின் மிர்பூரில் உள்ள ஷேர்-இ-பங்களா தேசிய மைதானத்தில் நடைபெற உள்ளது. இரு அணிகளுக்கும் இடையிலான டெஸ்ட் தொடர் உலகக் கோப்பை நிறைவடைந்த பிறகு நடத்தப்படவுள்ளது. டெஸ்ட் போட்டிகள் நடைபெறும் இடங்கள் பின்னர் அறிவிக்கப்படும் என வங்கதேச கிரிக்கெட் வாரியம் தெரிவித்துள்ளது.
இதையும் படிக்க: ஜெயிலர் பார்த்தபின் ரஜினி இதைத்தான் சொன்னார்..: நெல்சன்
முதல் ஒருநாள் போட்டி செப்டம்பர் 21, இரண்டாவது ஒருநாள் போட்டி செப்டம்பர் 23 மற்றும் மூன்றாவது ஒருநாள் போட்டி செப்டம்பர் 26 ஆகிய தேதிகளில் நடைபெறவுள்ளது. முதல் டெஸ்ட் போட்டி நவம்பர் 28 தொடங்கி டிசம்பர் 2 வரை நடைபெறுகிறது. 2-வது டெஸ்ட் டிசம்பர் 6 தொடங்கி டிசம்பர் 10 வரை நடைபெறுகிறது.
நியூசிலாந்து கடைசியாக கடந்த 2013 ஆம் ஆண்டு வங்கதேசத்துக்கு சுற்றுப்பயணம் மேற்கொண்டு விளையாடியது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
