ஜஸ்ப்ரீத் பும்ரா பயிற்சி செய்யும் விடியோ: எப்போது இந்திய அணியில் விளையாடுவார்?

29 வயதான வேகப் பந்து வீச்சாளர் ஜஸ்ப்ரீத் பும்ரா சர்வதேச கிரிக்கெட்டில் 319 விக்கெட்டுகளை எடுத்துள்ளார். செப்.2022 முதல் முதல் காயம் காரணமாக எந்தவொரு தொடரிலும் விளையாடாமல் இருக்கிறார். ஐபிஎல் போட்டிகளிலும் அவர் இல்லாதது மும்பை அணிக்கு பெரும் பின்னடைவாக இருந்தது. 

அவருக்கு சமீபத்தில்தான் அறுவை சிகிச்சை முடிந்தது. அதனைத் தொடர்ந்து இந்த ஏப்ரல் மாதம் முதல் தற்போதுவரை பும்ரா பெங்களூரிலுள்ள என்சிஏ எனப்படும் தேசிய கிரிக்கெட் அகாதமியில் பயிற்சி செய்து வருகிறார்.

இதையும் படிக்க: எனது மனைவிக்கு என்னைவிட இவரைத்தான் பிடிக்கும்: ஸ்டூவர்ட் பிராட் 

அக்டோபரில் நடைபெறவுள்ள ஒருநாள் உலகக் கோப்பை போட்டிக்கு பும்ரா தயாராகுவாரென மருத்துவக்குழு தகவல்கள் தெரிவிக்கின்றன. அயர்லாந்து உடனான டி20 தொடரிலும் விளையாடுவாரென தகவல்கள் தெரிவிக்கின்றன. 

இதையும் படிக்க: 39 வயதிலும் தீயாய் ஃபீல்டிங் செய்கிறார்: டு பிளெஸ்ஸியை புகழும் ரசிகர்கள்!

தற்போது பும்ரா தனது இன்ஸ்டாகிராம் பக்கத்தில் பயிற்சி செய்யும் விடியோவினை பகிர்ந்துள்ளார். இந்த விடியோவினை இந்திய கிரிக்கெட் அணிக்கும் டேக் செய்துள்ளார். 

இந்திய கிரிக்கெட் ரசிகர்கள் பலரும் பும்ராவிற்கு வாழ்த்துகளை தெரிவித்து வருகின்றனர்.