நியூசிலாந்துக்கு எதிராக ஆஸ்திரேலியா த்ரில் வெற்றி! 

கடந்த அக்.5ஆம் தேதி முதல் ஒருநாள் உலகக் கோப்பை போட்டிகள் நடந்து வருகின்றன. லீக் போட்டியின் 27வது போட்டியில் டாஸ் வென்ற நியூசிலாந்து அணி பந்து வீச்சினை தேர்வு செய்தது.உலகக் கோப்பையில் நியூசிலாந்துக்கு எதிரான போட்டியில் ஆஸ்திரேலியா அணி 388/10 ரன்கள் எடுத்துள்ளது. 

அடுத்து ஆடிய நியூசிலாந்து அணியின் தொடக்க வீரர்கள் கான்வே 28 ரன்களுக்கும் வில் யங் 32 ரன்களுக்கும் ஆட்டமிழக்க ரச்சின் ரவீந்திரா பொறுப்புடன் விளையாடி 77 பந்துகளில்  சதமடித்தார். 89 பந்துகளில் 116 ரன்களுக்கு ஆட்டமிழந்தார். இதில் 9 பவுண்டரிகள் 5 சிக்ஸர்கள் அடங்கும். 

இதையும் படிக்க: சச்சின் சாதனையை சமன்செய்த ரச்சின் ரவீந்திரா!

டேரில் மிட்செல் 54 ரன்களுக்கு ஆட்டமிழக்க அடுத்த வந்த டாம் லாதம் (21) பிலிப்ஸ் (12), சான்ட்னர்(17) விரைவிலேயே ஆட்டமிழக்க ஜிம்மி நீஷம் நிலைத்து ஆடி அரைசதமடித்தார்.  

இதையும் படிக்க: அறிவார்ந்த சென்னை ரசிகர்கள்: தென்னாப்பிரிக்க வீரர் புகழாரம்! 

கடைசி ஓவரில் 19 ரன்கள் தேவையானபோது ஸ்டார்க் வைட் வீசி பவுண்டரி கொடுக்க ஆட்டம் சூடுபிடித்தது. 5வது பந்தில் நீஷம் ரன்னவுட்  (58 ரன்கள்) ஆனார். கடைசிப் பந்தில் 5 ரன்கள் வித்தியாசத்தில் ஆஸி. த்ரில் வெற்றி பெற்றது. 

ஆஸி. சார்பாக ஜாம்பா 3 விக்கெட்டுகளும் ஹேசில்வுட், கம்மின்ஸ் தலா 2 விக்கெட்டுகளும் எடுத்தார்கள். 

தொடர்ந்து 4 போட்டிகளில் வெற்றி பெற்று 8 புள்ளிகளுடன் புள்ளிப்பட்டியலில் 4வது இடத்தில் இருக்கிறது ஆஸ்திரேலிய அணி. இதுதான் பழைய ஆஸி. அணி ரசிகர்கள் இணையத்தில் புகழ்ந்து வருகிறார்கள். 

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...