நேற்றைய ஆசிய கோப்பை போட்டியில் பாகிஸ்தானுக்கு எதிரான முதல் போட்டியில் இந்திய அணியினர் 48.5 ஓவர்களுக்கு 266 ரன்கள் எடுத்தது. மழையினால் ஆட்டம் தொடராமல் கைவிடப்படது. இரு அணிகளுக்கும் தலா 1 புள்ளிகள் வழங்கப்பட்டது.
இதில் ரோஹித் சர்மா ஷாஹீன் ஷா அப்ரிடி ஓவரில் ஆட்டமிழந்தார். ஏற்கனவே பல முறை இப்படி இடது கை பந்து வீச்சாளர்களிடம் ரோஹித் சர்மா ஆட்டமிழந்தாலும் இந்த முறை ஆட்டமிழந்த விதம் கிண்டலுக்கு உள்ளாகியுள்ளது.
சென்னை 28 படத்தில் நடிகர் சிவா கடற்கரை மணலில் சிறுவர்களிடம் ஆட்டமிழக்கும் விதத்தினைப் போலவே ரோஹித் சர்மா ஆட்டமிழந்துள்ளதாக மீம்ஸ்கள் இணையத்தில் வைரலாகியுள்ளன.
இதையும் படிக்க: நடிகர் விஜய்யால் தமிழ் ரசிகர்களிடையே பிரபலமான ஹாலிவுட் நடிகர்!
ஏற்கனவே நடிகர் சிவாவைப் போலவே ரோஹித்தும் இருப்பதாக மீம்ஸ்கள் பரவியது குறிப்பிடத்தக்கது. இது குறித்து நடிகர் சிவாவும் ஒருமுறை, “அவர் என்னைப் போல நடிக்க முடியாது. நான் அவரைப்போல பேட்டிங் ஆட முடியாதென” ஜாலியாக கூறியிருந்தது குறிப்பிடத்தக்கது.
இந்நிலையில் முன்னாள் இந்திய வீரரும் சிஎஸ்கே வீரருமான பத்ரிநாத் தனது ட்விட்டர் (எக்ஸ்) பக்கத்தில் சிவாவும் ரோஹித்தின் புகைப்படத்தினையும் பகிர்ந்து அதே மாதிரி உள்ளதாக பகிர்ந்துள்ளார்.
இந்தப் புகைப்படம் இணையத்தில் வைரலாகியுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.