6வது சுற்றிலும் இந்திய வீரர் குகேஷ் முன்னிலை!

கேண்டிடேட்ஸ் செஸ் போட்டியின் 6-ஆவது சுற்றின் முடிவில் இந்தியாவின் குகேஷ், ரஷியாவின் இயன் நெபோம்னியச்சியுடன் மீண்டும் முதலிடத்தை பகிா்ந்துகொண்டுள்ளாா். ஏற்கனவே 5ஆவது சுற்று முடிவிலும் இருவரும் முதலிடத்தை பகிர்ந்து கொண்டிருந்தது குறிப்பிடத்தக்கது.

இன்று அதிகாலை நடைபெற்ற 6வது சுற்றில் இந்திய வீரர் குகேஷ் அமெரிக்காவின் ஹிகரு நகமுராவுடன் டிரா செய்தார். மற்றுமொரு இந்திய வீரர் பிரக்ஞானந்தா நிஜத் அபாசோவவை தோற்கடித்தார்.

மொத்தம் உள்ள 14 சுற்றுகளில் 6 சுற்றுகள் முடிவடைந்துவிட்டன. இன்னும் 8 சுற்றுகள் மீதமுள்ளன.

6ஆவது சுற்று முடிவு: (ஓபன் பிரிவு)

இயன் நெபோம்னியச்சி, குகேஷ் 4 புள்ளிகளுடன் முதல் இடத்தை பகிர்ந்துள்ளனர். கரானா (3), பிரக்ஞானந்தா இருவரும் தலா 3.5 புள்ளிகளுடன் இரண்டாம் இடத்தை பகிர்ந்துள்ளனர். ஹிகரு நகமுரா, விதித் சந்தோஷ் 3 புள்ளிகளுடன் 3ஆம் இடத்தில் உள்ளனர்.

மகளிர் பிரிவில் இந்திய வீராங்கனைகளான வைஷாலி, கொனேரு முறையே 2.5, 2 புள்ளிகளுடன் 5வது, 7வது இடங்களை பிடித்துள்ளனர். டான் 4.5 புள்ளிகளுடன் தொடர்ந்து முதலிடத்தில் இருக்கிறார்.