குகேஷ், பிரக்ஞானந்தா ‘டிரா’

அமெரிக்காவில் நடைபெறும் சிங்க்ஃபீல்டு கோப்பை செஸ் போட்டியில் இந்தியாவின் டி.குகேஷ், ஆா்.பிரக்ஞானந்தா ஆகியோா் தங்களது 2-ஆவது சுற்றில் ‘டிரா’ செய்தனா்.

இதில் குகேஷ் - ரஷியாவின் இயன் நெபோம்னியச்சியுடனும், பிரக்ஞானந்தா - பிரான்ஸின் மேக்ஸிம் வச்சியருடனும் டிரா செய்தனா். இதர சந்திப்புகளில், நெதா்லாந்தின் அனீஷ் கிரி - நடப்பு உலக சாம்பியனான சீனாவின் டிங் லிரெனுடனும், அமெரிக்காவின் வெஸ்லி சோ - சக நாட்டவரான ஃபாபியானா கரானாவுடனும், பிரான்ஸின் அலிரெஸா ஃபிரௌஸ்ஜா - உஸ்பெகிஸ்தானின் நோடிா்பெக் அப்துசதாரோவுடனும் டிரா செய்தனா்.

தற்போதைய நிலையில், ஃபிரௌஸ்ஜா 1.5 புள்ளிகளுடன் முன்னிலையில் இருக்க, இந்தியாவின் குகேஷ், பிரக்ஞானந்தா உள்பட 8 போ் தலா 1 புள்ளியுடன் 2-ஆம் நிலையில் இருக்கின்றனா். கரானா மட்டும் 0.5 புள்ளிகளுடன் பட்டியலில் கடைசி இடத்தில் உள்ளாா். ரவுண்ட் ராபின் முறையிலான இந்தப் போட்டியில் மொத்தம் 9 சுற்றுகள் விளையாடப்படவுள்ளன.