உலக டெஸ்ட் சாம்பியன்ஷிப் தரவரிசையில் வலுவான நிலையில் இந்தியா!

உலக டெஸ்ட் சாம்பியன்ஷிப் தரவரிசையில் இந்திய அணி தனது இடத்தை மேலும் வலுப்படுத்திக் கொண்டுள்ளது.

இந்தியா மற்றும் இங்கிலாந்து அணிகளுக்கு இடையிலான 4-வது டெஸ்ட் போட்டி ராஞ்சியில் நடைபெற்றது. இந்தப் போட்டியில் இந்திய அணி 5 விக்கெட்டுகள் வித்தியாசத்தில் வெற்றி பெற்றது. இந்த வெற்றியின் மூலம் 5 போட்டிகள் கொண்ட டெஸ்ட் தொடரையும் 3-1 என்ற கணக்கில் இந்திய அணி கைப்பற்றியது.

4-வது டெஸ்ட் போட்டியில் வெற்றிக்குப் பிறகு உலக டெஸ்ட் சாம்பியன்ஷிப் தரவரிசைப் பட்டியலில் இந்திய அணியின் வெற்றி சதவிகிதம் அதிகரித்தது. இதன்மூலம் தரவரிசையில் இந்திய அணி 64.58 சதவிகித வெற்றிகளுடன் 2-வது இடத்தில் உள்ளது.

75 சதவிகித வெற்றிகளுடன் நியூசிலாந்து அணி முதலிடத்திலும், 55 சதவிகித வெற்றிகளுடன் ஆஸ்திரேலிய அணி 3-வது இடத்திலும் உள்ளது. இந்த வரிசையில் இங்கிலாந்து அணி 19.44 சதவிகித வெற்றிகளுடன் இங்கிலாந்து 8-வது இடத்தில் உள்ளது குறிப்பிடத்தக்கது.