ஜேக், அபிஷேக் அதிரடி: டெல்லி - 221/8

புது தில்லி: ஐபிஎல் போட்டியின் 56-ஆவது ஆட்டத்தில் ராஜஸ்தான் ராயல்ஸுக்கு எதிராக டெல்லி கேப்பிட்டல்ஸ் 20 ஓவா்களில் 8 விக்கெட்டுகள் இழப்புக்கு 221 ரன்கள் எடுத்தது.

அணியின் தரப்பில் ஜேக் ஃப்ரேசா், அபிஷேக் பொரெல், டிரிஸ்டன் ஸ்டப்ஸ் அதிரடியாக விளாசி ரன்கள் சோ்க்க, ராஜஸ்தான் பௌலிங்கில் ரவிச்சந்திரன் அஸ்வின் அசத்தினாா்.

முன்னதாக டாஸ் வென்ற ராஜஸ்தான், பந்துவீச்சை தோ்வு செய்தது. டெல்லி இன்னிங்ஸில் முதலில் ஜேக் ஃப்ரேசா் 20 பந்துகளில் 7 பவுண்டரிகள், 3 சிக்ஸா்கள் உள்பட 50 ரன்களுக்கு ஆட்டமிழக்க, தொடா்ந்து வந்த ஷாய் ஹோப் 1, அக்ஸா் படேல் 1 பவுண்டரி, 1 சிக்ஸருடன் 15 ரன்களுக்கு வீழ்ந்தனா்.

தொடக்க வீரா்களில் ஒருவரான அபிஷேக் 36 பந்துகளில் 7 பவுண்டரிகள், 3 சிக்ஸா்களுடன் 65 ரன்களுக்கு பெவிலியன் திரும்ப, கேப்டன் ரிஷப் பந்த் 1 சிக்ஸருடன் 15 ரன்களுக்கு நடையைக் கட்டினாா். குல்பதின் நயிப் 1 பவுண்டரி, 1 சிக்ஸருடன் 19 ரன்களுக்கு வெளியேற்றப்பட்டாா்.

கடைசிய விளாசிய டிரிஸ்டன் ஸ்டப்ஸ் 20 பந்துகளில் 3 பவுண்டரிகள், 3 சிக்ஸா்கள் உள்பட 41, ராசிக் சலாம் 2 பவுண்டரிகளுடன் 9 ரன்களுக்கு விக்கெட்டை இழந்தனா். ஓவா்கள் முடிவில் குல்தீப் யாதவ் 1 பவுண்டரியுடன் 5 ரன்களுக்கு ஆட்டமிழக்காமல் இருந்தாா்.

ராஜஸ்தான் பௌலிங்கில் அஸ்வின் 3, டிரென்ட் போல்ட், சந்தீப் சா்மா, யுஜவேந்திர சஹல் ஆகியோா் தலா 1 விக்கெட் சாய்த்தனா்.

அடுத்து ராஜஸ்தான் 222 ரன்களை இலக்காகக் கொண்டு தனது இன்னிங்ஸை தொடங்கியது.