ஸ்டாா்க் வேகத்தில் விக்கித்தது ஹைதராபாத்

அகமதாபாத்: ஐபிஎல் போட்டியின் ‘குவாலிஃபயா் 1’ ஆட்டத்தில் கொல்கத்தா நைட் ரைடா்ஸுக்கு எதிராக, சன்ரைசா்ஸ் ஹைதராபாத் 19.3 ஓவா்களிலேயே 10 விக்கெட்டுகளை இழந்து 159 ரன்களே சோ்த்தது.

கொல்கத்தா பௌலா் மிட்செஸ் ஸ்டாா்க் தனது வேகத்தில் மிரட்டி 3 விக்கெட்டுகள் சரிக்க, வருண் சக்கரவா்த்தி 2 விக்கெட்டுகள் வீழ்த்தினாா். ராஜஸ்தான் பேட்டா்களில் ராகுல் திரிபாதி, ஹென்ரிக் கிளாசென், கேப்டன் பேட் கம்மின்ஸ் போராடி ரன்கள் சோ்த்தனா்.

முன்னதாக டாஸ் வென்ற ஹைதராபாத், பேட்டிங்கை தோ்வு செய்தது. அணியின் இன்னிங்ஸை தொடங்கிய அதிரடி வீரா் டிராவிஸ் ஹெட், ஸ்டாா்க் வீசிய 2-ஆவது பந்திலேயே ஸ்டம்ப்பை பறிகொடுத்து அதிா்ச்சி கண்டாா். உடன் வந்த மற்றொரு அதிரடி வீரரான அபிஷேக் சா்மா 3 ரன்களுக்கு 2-ஆவது ஓவரில் ஆட்டமிழக்க, ஹைதராபாத் அதிா்ச்சி கண்டது. அவா், வைபவ் அரோரா பந்துவீச்சில் ஆண்ட்ரே ரஸ்ஸெலிடம் கேட்ச் கொடுத்தாா்.

3-ஆவது பேட்டராக களம் புகுந்த ராகுல் திரிபாதி அதிரடியாக ரன்கள் சோ்த்தாா். எனினும் மறுபுறம், நிதீஷ்குமாா் ரெட்டி, ஷாஹாஸ் அகமது ஆகியோா் ஸ்டாா்க் வீசிய 5-ஆவது ஓவரின் கடைசி இரு பந்துகளில் அடுத்தடுத்து வெளியேறினா். நிதீஷ்குமாா் 1 பவுண்டரியுடன் 9 ரன்களுக்கு விக்கெட் கீப்பா் ரஹ்மானுல்லா குா்பாஸிடம் கேட்ச் கொடுக்க, ஷாபாஸ் அகமது 0 ரன்களுக்கு பௌல்டானாா்.

இதனால் 39 ரன்களுக்கே 4 விக்கெட்டுகளை இழந்து தடுமாறியது ஹைதராபாத். இந்நிலையில், திரிபாதியுடன் இணைந்தாா் ஹென்ரிக் கிளாசென். இந்த ஜோடி நிலையாக ஆடி, 5-ஆவது விக்கெட்டுக்கு 62 ரன்கள் சோ்த்தது.

இதில் முதலில் கிளாசெனை வெளியேற்றினாா் வருண். கிளாசென் 3 பவுண்டரிகள், 1 சிக்ஸருடன் 32 ரன்கள் சோ்த்திருந்தபோது விளாசிய பந்தை ரிங்கு சிங் கேட்ச் பிடித்தாா். மறுபுறம், ராகுல் திரிபாதி 35 பந்துகளில் 7 பவுண்டரிகள், 1 சிக்ஸருடன் 55 ரன்கள் சோ்த்திருந்தபோது 14-ஆவது ஓவரில் ரன் அவுட் செய்யப்பட்டாா்.

பின்னா் விளையாடியோரில் சன்வீா் சிங்கை ரன்னின்றி, 14-ஆவது ஓவரில் வெளியேற்றினாா் சுனில் நரைன். 7-ஆவது பேட்டரான அப்துல் சமத் 2 சிக்ஸா்களுடன் 16 ரன்கள் அடித்திருக்க, ஹா்ஷித் ராணா வீசிய 15-ஆவது ஓவரில் அவா் விளாசிய பந்து ஷ்ரேயஸ் ஐயரிடம் தஞ்சமடைந்தது.

வருண் வீசிய 16-ஆவது ஓவரில் புவனேஷ்வா் குமாா் ரன்னின்றி எல்பிடபிள்யூ ஆனாா். 8-ஆவது பேட்டராக வந்த பேட் கம்மின்ஸ் 2 பவுண்டரிகள், 2 சிக்ஸா்கள் உள்பட 30 ரன்கள் விளாசி ஸ்கோரை சற்று உயா்த்தினாா். கடைசி விக்கெட்டாக அவரே, ரஸ்ஸெல் வீசிய கடைசி ஓவரில் விக்கெட் கீப்பா் ரஹ்மானுல்லாவிடம் கேட்ச் கொடுத்தாா். முடிவில் விஜயகாந்த் வியாஸ்காந்த் 7 ரன்களுடன் இருந்தாா்.

கொல்கத்தா தரப்பில் ஸ்டாா்க் 3, வருண் சக்கரவா்த்தி 2, வைபவ் அரோரா, ஹா்ஷித் ராணா, சுனில் நரைன் ஆண்ட்ரே ரஸ்ஸெல் ஆகியோா் தலா 1 விக்கெட் கைப்பற்றினா்.

பின்னா் கொல்கத்தா 160 ரன்களை இலக்காகக் கொண்டு தனது இன்னிங்ஸை விளையாடியது.