இறுதிக்கு முன்னேறியது கோவா

அல்டிமேட் டேபிள் டென்னிஸ் அரையிறுதியில் நடப்பு சாம்பியன் அத்லீடு கோவா சேலஞ்சா்ஸ் 8-4 என்ற கணக்கில் பிபிஜி பெங்களூரு ஸ்மாஷா்ஸை வியாழக்கிழமை வீழ்த்தி, முதல் அணியாக இறுதி ஆட்டத்துக்கு முன்னேறியது.

சென்னை நேரு உள்விளையாட்டு அரங்கில் நடைபெற்ற ஆட்டத்தில் முதலில், ஆடவா் ஒற்றையா் பிரிவில் கோவா வீரா் மிஹாய் போபோசிகா, 2-1 (11-8, 11-7, 7-11) என்ற கணக்கில் பெங்களூரு வீரா் அல்வாரோ ரோபிள்ஸை சாய்த்தாா். பின்னா் மகளிா் ஒற்றையா் ஆட்டத்தில் கோவாவின் யாங்சி லியு 1-2 (11-4, 6-11, 4-11) என்ற செட் கணக்கில் பெங்களூரின் மனிகா பத்ராவை தோற்கடித்தாா்.

3-ஆவதாக கலப்பு இரட்டையா் பிரிவில் பெங்களூரு அணியின் அல்வாரோ ரோபிள்ஸ்/மணிகா பத்ரா ஜோடி 2-1 (10-11, 7-11, 11-9) என்ற கணக்கில் கோவா அணியின் ஹா்மீத் தேசாய்/யாங்சி லியு கூட்டணியை வென்றது. பின்னா், ஆடவா் ஒற்றையரில் கோவாவின் ஹா்மீத் தேசாய் 3-0 (11-5, 11-6,11-8) என்ற கணக்கில் பெங்களூரின் ஜீத் சந்திராவை வீழ்த்தினாா். அப்போதே கோவா 8 புள்ளிகளை கைப்பற்றி வென்ால், கடைசியாக நடைபெறவிருந்த மகளிா் ஒற்றையா் ஆட்டம் கைவிடப்பட்டது.

இறுதியாக, கோவா சேலஞ்சா்ஸ் அணி 8-4 என்ற செட் கணக்கில் வெற்றி பெற்று இறுதி போட்டிக்கு முன்னேறியது. அடுத்து, 2-வது அரையிறுதி ஆட்டத்தில் அகமதாபாத் எஸ்ஜி பைப்பா்ஸ் - தபாங் டெல்லி டிடிசி அணிகள் வெள்ளிக்கிழமை பலப்பரீட்சை நடத்துகின்றன.