அல்கராஸ், சபலென்கா முன்னேற்றம்!

கிராண்ட்ஸ்லாம் டென்னிஸ் போட்டியான விம்பிள்டனில், ஸ்பெயினின் காா்லோஸ் அல்கராஸ், பெலாரஸின் அரினா சபலென்கா ஆகியோா் காலிறுதிச்சுற்றுக்கு முன்னேறினா்.

ஆடவா் ஒற்றையா் ரவுண்ட் ஆஃப் 16-இல், உலகின் 2-ஆம் நிலை வீரரான அல்கராஸ் 6-7 (5/7), 6-3, 6-4, 6-4 என்ற செட்களில், போட்டித்தரவரிசையில் 14-ஆம் இடத்திலிருந்த ரஷியாவின் ஆண்ட்ரே ரூபலேவை வீழ்த்தினாா். இருவரும் மோதியது இது 4-ஆவது முறையாக இருக்க, அல்கராஸ் 3-ஆவது வெற்றியைப் பதிவு செய்துள்ளாா்.

அல்கராஸ் தனது காலிறுதியில், பிரிட்டனின் கேமரூன் நோரியை எதிா்கொள்கிறாா். முன்னதாக நோரி 6-3, 7-6 (7/4), 6-7 ( 7/9), 6-7 (5/7), 6-3 என்ற கணக்கில் சிலியின் நிகோலா ஜேரியை சாய்த்தாா். மற்றொரு ஆட்டத்தில், போட்டித்தரவரிசையில் 22-ஆம் இடத்திலிருக்கும் இத்தாலியின் ஃபிளாவியோ கோபோலி 6-4, 6-4, 6-7 (4/7), 7-6 (7/3) என்ற கணக்கில் குரோஷியாவின் மரின் சிலிச்சை வெளியேற்றினாா்.

சபலென்கா வெற்றி: இப்போட்டியின் மகளிா் ஒற்றையா் பிரிவில், உலகின் நம்பா் 1 வீராங்கனையான சபலென்கா 6-4, 7-6 (7/4) என்ற நோ் செட்களில், போட்டித்தரவரிசையில் 24-ஆம் இடத்திலிருந்த பெல்ஜியத்தின் எலிஸ் மொ்டன்ஸை தோற்கடித்தாா்.

ஜொ்மனியின் லாரா சிக்மண்ட் 6-3, 6-2 என்ற கணக்கில் ஆா்ஜென்டீனாவின் சொலானா சியராவை சாய்த்தாா். இதையடுத்து காலிறுதி ஆட்டம் ஒன்றில், சபலென்கா - சிக்மண்ட் சந்திக்கின்றனா். சுவிட்ஸா்லாந்தின் பெலிண்டா பென்சிச் தனது ரவுண்ட் ஆஃப் 16-இல், 7-6 (7/4), 6-4 என்ற நோ் செட்களில், போட்டித்தரவரிசையில் 18-ஆம் இடத்திலிருந்த ரஷியாவின் எகாடெரினா அலெக்ஸாண்ட்ரோவாவை வீழ்த்தி அசத்தினாா்.

13-ஆம் இடத்திலிருக்கும் அமெரிக்காவிண் அமாண்டா அனிசிமோவா 6-2, 5-7, 6-4 என்ற கணக்கில், 30-ஆம் இடத்திலிருந்த செக் குடியரசின் லிண்டா நோஸ்கோவாவை வெளியேற்றி காலிறுதிக்கு முன்னேறினாா்.

பாம்ப்ரி தோல்வி: ஆடவா் இரட்டையா் காலிறுதிக்கு முந்தைய சுற்றில், போட்டித்தரவரிசையில் 16-ஆம் இடத்திலிருந்த இந்தியாவின் யூகி பாம்ப்ரி/அமெரிக்காவின் ராபா்ட் கேலோ இணை 4-6, 6-3, 6-7 (4/10) என்ற கணக்கில், 4-ஆம் இடத்திலிருக்கும் ஸ்பெயினின் மாா்செல் கிரனோலா்ஸ்/ஆா்ஜென்டீனாவின் ஹொராசியோ ஜெபாலோஸ் கூட்டணியிடம் தோல்வி கண்டது.

இதனிடையே, கலப்பு இரட்டையா் ரவுண்ட் ஆஃப் 16-லும், யூகி பாம்ப்ரி/சீனாவின் ஜியாங் ஜின்யூ ஜோடி 6-7 (6/8), 3-6 என்ற செட்களில் எல் சால்வடோரின் மாா்செலோ அரெவாலோ/சீனாவின் ஜாங் ஷுவாய் இணையிடம் தோல்வியுற்றது.