கிளப் உலகக் கோப்பையில் இன்டர் மியாமி அடுத்த சுற்றுக்குத் தகுதிபெற்றது. ரவுண்ட் ஆஃப் 16 சுற்றில் பிஎஸ்ஜி அணியுடன் மோதவிருக்கிறது.
கிளப் உலகக் கோப்பையின் லீக் போட்டியில் மெஸ்ஸியின் இன்டர் மியாமி அணியும் பல்மேய்ரஸ் அணியும் இந்திய நேரப்படி இன்று காலை 6.30 மணிக்கு மோதின.
இந்தப் போட்டி 2-2 என டிராவில் முடிந்தது. 54 சதவிகித பந்தினை தனது கட்டுக்குள் வைதிருந்த இன்டர் மியாமி 79 நிமிஷங்கள் வரை 2-0 என முன்னிலை வகித்தது.
கடைசி நேரத்தில் ஃபார்முக்கு திரும்பிய பல்மேய்ரஸ் அணி 80, 87 ஆவதி நிமிஷங்களில் கோல் அடித்து போட்டியை சமன்செய்தது.
இதன் மூலம் இரு அணிகளும் 5 புள்ளிகளுடன் அடுத்த சுற்றுக்குத் தகுதிபெற்றது.
இன்டர் மியாமி அணி சாம்பியன் லீக்கில் வென்ற பிஎஸ்ஜி அணியுடன் மோதுகிறது. இந்தப் போட்டியில் வென்றிருந்தால் இன்டர் மியாமி அணிக்கு எளிதாக இருந்திருக்கும்.
22 ஷாட்டுகளை அடித்த பல்மேய்ரஸ் அணி இலக்கை நோக்கி பந்தினை 7 முறை அடித்தது. இதேவேளையில் இன்டர் மியாமி அணி தான் அடித்த 8 ஷாட்டுகளில் 3 முறை மட்டுமே இலகை நோக்கி அடித்தது.
இந்தப் போட்டியில் மெஸ்ஸி கோல் அடிக்கவில்லை. லீயிஸ் சௌரஸ் ஆட்ட நாயகன் விருது வென்றார். ரவுண்ட் ஆஃப் 16 சுற்றில் ஜன.29ஆம் தேதி மோதவிருக்கிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.