விம்பிள்டன் டென்னிஸ்: சின்னர் மீண்டும் சாம்பியன்

விம்பிள்டன் டென்னிஸ் தொடரின் இறுதி ஆட்டத்தில் ஸ்வெரெவை வீழ்த்தி சின்னர் சாம்பியன் பட்டத்தை தக்கவைத்துக் கொண்டார்.

விம்பிள்டன் கிராண்ட்ஸ்லாம் டென்னிஸ் தொடரின் ஆடவர் ஒற்றையர் பிரிவு இறுதி ஆட்டத்தில் உலகின் நம்பர் 1 வீரர் ஜேக்சின்னர், ஜெர்மனியின் அலெக்ஸ் ஸ்வெரெவ் ஆகியோர் மோதினர்.

பரபரப்பாக நடைபெற்ற இந்த ஆட்டத்தில் ஸ்வெரேவை 6-7(7), 7-6(2), 6-3, 6-4 என்ற செட் கணக்கில் வீழ்த்தி சின்னர் சாம்பியன் பட்டம் வென்றார்.

மூன்று மணி நேரம், 46 நிமிடம் நீடித்த ஆட்டத்தில் சிறப்பாக விளையாடிய சின்னர் தொடர்ந்து 2ஆவது முறையாக சாம்பியன் பட்டத்தை தக்கவைத்துக்கொண்டார்.

சாம்பியன் பட்டம் வென்ற சின்னருக்கு கோப்பையுடன், ரூ. 44.80 கோடியும் ஸ்வெரெவுக்கு ரூ. 22.40 கோடியும் பரிசுத்தொகையாக வழங்கப்பட்டது. விம்பிள்டன் சின்னர் வெல்லும் 5ஆவது கிராண்ட்ஸ்லாம் பட்டமாகும்.