தமிழக மக்களை ஏமாற்ற முடியாது: கருணாநிதி

பல்வேறு இடங்களில் மின்தடை நிலவிவரும் நிலையில், மின் வெட்டு குறித்து தவறான தகவல்களைக் கூறி தமிழக மக்களை இனியும் ஏமாற்ற முடியாது என்று முன்னாள் முதல்வர் கருணாநிதி தெரிவித்துள்ளார்.

அ.தி.மு.க. ஆட்சியின் அவலங்களை முழுமையாகப் புரிந்து கொண்டு வரும் தமிழ்நாட்டு மக்களை எப்போதும் ஏமாற்ற முடியாது என்பதை அமைச்சர் உணரும் காலம் விரைவில் வரும் அது வெகு தொலைவில் இல்லை என்றார். சட்டசபையில் தமிழகம் மின்மிகை மாநிலமாக உள்ளதாக மின்துறை அமைச்சர் நத்தம் விஸ்வநாதன் கூறியிருக்கும் நிலையில், பல்வேறு இடங்களில் மின்தடை ஏற்பட்டுள்ளதாக ஆங்கில நாளேட்டில் செய்தி வெளியாகியுள்ளது. நேற்று வெளிவந்த நாளிதழில் ஒன்றில் "மின்வெட்டில் இருளில் மூழ்கிய ஜி.எச். என்றும் மூன்று மணி நேர மின்வெட்டால் மக்கள் அவதி என்ற தலைப்பில் ஒரு செய்தியும் வெளிவந்துள்ளன.

நடப்பதையெல்லாம் மறைத்துவிட்டு மின்வெட்டே இல்லை என்று அமைச்சர் பேரவையில் உண்மைக்கு மாறான தகவலைச் சொல்வதால் வேதனைகள் குறைந்து விடுமா என்று தி.மு.க. தலைவர் கருணாநிதி தனது அறிக்கையில் கூறியுள்ளார்.