முழு அடைப்பு எதிரொலி: பாதுகாப்பு பணியில் 1 லட்சம் போலீசார்

தமிழகத்தில் முழு அடைப்பு காரணமாக பலத்த போலீஸ் பாதுகாப்பு போடப்பட்டுள்ளது.

காவிரி மேலாண்மை வாரியம் அமைக்காத மத்திய அரசைக் கண்டித்து தமிழகம் முழுவதும் முழு அடைப்பு போராட்டம் இன்று நடைபெற்று வருகிறது.

போராட்டம் காரணமாக தமிழக, கர்நாடக எல்லையில் பாதுகாப்பிற்காக ஏராளமான போலீசார் குவிக்கப்பட்டுள்ளனர். குறிப்பபாக தமிழகம் முழுவதும் 1 லட்சம் போலீசார் பாதுகாப்பு பணியில் ஈடுபடுத்தப்பட்டுள்ளனர். 

சென்னையை பொறுத்தவரை 15 ஆயிரம் போலீசார் பாதுகாப்பு பணியில் ஈடுபட்டு வருகின்றனர். மேலும் போராட்டம் நடைபெறும் இடங்களில் அதிகளவில் போலீசாரும் குவிக்கப்பட்டுள்ளனர்.