டிடிவி தினகரன் பணத்தை வாரி இறைக்கிறார்: திவாகரன் 

டிடிவி தினகரன் பணத்தை வாரி இறைக்கிறார் என்று அண்ணா திராவிடர் கழக தலைவர் திவாகரன் தெரிவித்துள்ளார்.

இதுகுறித்து அவர் தஞ்சையில் செய்தியாளர்களுக்கு அளித்த பேட்டியில்,
விசாரணை ஆணையத்தில் ஜெயலலிதா மரணம் குறித்து கேள்வி கேட்கவில்லை. நான் எந்த தேர்தலிலும் போட்டியிட மாட்டேன். டிடிவி தினகரன் பணத்தை வாரி இறைக்கிறார். இவ்வளவு பணம் எங்கிருந்து வந்தது...?. 

மன்னார்குடி கூட்டத்திற்கு டோக்கன் கொடுத்து குக்கர் தருவதாக கூட்டத்தை கூட்டியுள்ளார். எப்படி கொடுப்பார்...?. சிலைக் கடத்தல் வழக்கு உட்பட அரசின் ஒவ்வொரு செயலும் ஒரு சந்தேகத்தை ஏற்படுத்துகிறது. உள்ளாட்சித் தேர்தலை நடத்துவதில் அரசுக்கு விருப்பமில்லை, அதனாலேயே தள்ளிப்போடுகிறது.

பொன். மாணிக்கவேல் ஒரு நேர்மையான அதிகாரி. வழக்கை ஏன் சிபிஐக்கு மாற்றுகிறார்கள்  என்று தெரியவில்லை. தமிழகத்தில் உள்ள பல்கலைக்கழகங்கள் அனைத்திலும் முறைகேடு நடக்கின்றன. இவ்வாறு அவர் தெரிவித்தார்.