மகளிர் இடஒதுக்கீட்டுக்கு ஆதரவு; தொகுதி மறுவரையறைக்கு எதிர்ப்பு! - ராகுல்தொகுதி மறுசீரமைப்புக்கு எதிர்ப்பு: தனிப்பட்ட இயக்கத்தின் போராட்டம் அல்ல; தமிழ்நாட்டின் போராட்டம் - மு.க. ஸ்டாலின்பாக். மூலம் அமெரிக்காவுடன் தொடரும் பேச்சு! - ஈரான் அரசு அறிவிப்பு!அதிமுக அரசின் ஏதாவது ஒரு சாதனையைக் கூறி பழனிசாமியால் ஓட்டு கேட்க முடியுமா? மு.க. ஸ்டாலின்தேர்தல் முக்கியமல்ல, சுயமரியாதையே முக்கியம் : மு.க. ஸ்டாலின் உ.பி.யில் 17 வயது சிறுமிக்கு கூட்டுப் பாலியல் வன்கொடுமை! தூக்கிட்டுத் தற்கொலை!சிபிஎஸ்இ 10-ஆம் வகுப்புப் பொதுத் தேர்வு முடிவுகள் வெளியீடுமீஞ்சூரில் மாணவியிடம் பாலியல் அத்துமீறல்! அரிவாளால் வெட்டிய இளைஞர்கள்! திமுக தோற்க வேண்டும் என ராகுல் நினைக்கிறார்: அண்ணாமலை பேச்சுதொகுதி மறுவரையறை! தமிழ்நாட்டில் நாளை கருப்புக் கொடிப் போராட்டம்! - மு.க. ஸ்டாலின் அறிவிப்பு
/

மதுரையில் எய்ம்ஸ் மருத்துவமனை: மத்திய மருத்துவ கட்டுமானக் குழுவினர் ஆய்வு

மதுரை தோப்பூர் எய்ம்ஸ் மருத்துவமனை அமைய உள்ள இடத்தை திருவனந்தபுரம், சென்னையைச் சேர்ந்த மத்திய மருத்துவ கட்டுமானக் குழுவினர் (எச்.எல்.எல்) திங்கள்கிழமை ஆய்வு செய்தனர்.

News image

மதுரை தோப்பூரில் எய்ம்ஸ் மருத்துவமனை அமைய உள்ள பகுதியை திங்கள்கிழமை ஆய்வுசெய்த மத்திய மருத்துவ கட்டுமானக் குழுவினர்.

Updated On :9 ஜூலை 2018, 7:57 pm

மதுரை தோப்பூர் எய்ம்ஸ் மருத்துவமனை அமைய உள்ள இடத்தை திருவனந்தபுரம், சென்னையைச் சேர்ந்த மத்திய மருத்துவ கட்டுமானக் குழுவினர் (எச்.எல்.எல்) திங்கள்கிழமை ஆய்வு செய்தனர்.
தோப்பூர் கோ.புதுப்பட்டியில் 198.27 ஏக்கர் பரப்பளவில் ரூ.1500 கோடி மதிப்பீட்டில் எய்ம்ஸ் மருத்துவமனை அமைய உள்ளது. இங்கு திருவனந்தபுரம், சென்னை ஆகிய பகுதிகளில் இருந்து மத்திய கட்டுமான குழுவினர் மருத்துவமனை அமைய உள்ள நிலப்பரப்பை முழுவதுமாக சுற்றிப்பார்த்தனர்.
அப்போது, கட்டடம் அமையவுள்ள மண்ணின் தன்மை, நிலத்தடி நீர்மட்டம் எவ்வளவு, குடிநீர் வசதி, மின்சாரம், சுற்றுச்சூழல் உள்ளிட்டவைகள் குறித்தும் 7 பேர் கொண்ட குழுவினர் ஆய்வு செய்தனர். இதைத்தொடர்ந்து மதுரை அரசு மருத்துவமனை முதன்மையர் மருதுபாண்டியன் செய்தியாளர்களிடம் கூறியது: 
மத்திய மருத்துவ கட்டுமானக் குழுவினர் இங்குள்ள வசதிகள் குறித்தும், மண்ணின் தன்மை குறித்தும் 3 நாள்களில் மத்திய அரசுக்கு அறிக்கை சமர்ப்பிக்க உள்ளனர். அதன் பின் அடுத்தக்கட்ட நடவடிக்கைகள் மேற்கொள்ளப்படும். இதே நிறுவனம்தான் மதுரையில் உள்ள பல்நோக்கு அரசு மருத்துவமனையின் கட்டுமானப் பணிகளை மேற்கொண்டனர் என்றார்.
ஆய்வின்போது, மதுரை வருவாய் கோட்டாட்சியர் அரவிந்தன், வட்டாட்சியர் சுரேஷ், பொதுப்பணித் துறை உதவி நிர்வாகப் பொறியாளர் செல்வராஜன் உள்ளிட்ட பலர் உடனிருந்தனர்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.