துரைமுருகன் இளமையின் ரகசியம் என்ன? பேரவையில் சிரிப்பலையை ஏற்படுத்திய துணை முதல்வர் ஓ.பன்னீர்செல்வம்

துரைமுருகன் இளமையின் ரகசியம் என்ன? என்ற துணை முதல்வர் ஓ.பன்னீர்செல்வத்தின் கேள்வியால் பேரவையில் சிரிப்பலை எழுந்தது.  

சட்டப் பேரவையில் இன்று தொழில் துறை, சிறு, குறு மற்றும் நடுத்தரத் தொழில்கள் துறை மானியக் கோரிக்கைகள் மீது விவாதங்கள் நடைபெற்று வருகின்றன.

இந்நிலையில் இன்றைய விவாதத்தின்போது கேவி குப்பம் அதிமுக எம்எல்ஏ லோகநாதன் புதிய வட்டம் தொடர்பாக வருவாய்த் துறை அமைச்சரிடம் கேள்வி எழுப்பினார். அதற்கு பதிலளித்த அமைச்சர் உதயகுமார், ஏற்கெனவே அம்மாவின் அரசு 72 வட்டத்தை ஏற்படுத்தி உள்ளது என்றார். 

அப்போது குறுகிட்ட திமுகவின் துரைமுருகன் 73ஆவது வட்டத்தை அம்மாவின் அரசு ஏற்படுத்த வேண்டும் என்றார். உடனே குறுக்கிட்ட துணை முதல்வர் ஓ.பன்னீர்செல்வம் அம்மா என கூறியதற்கு நன்றி என்றார். இதற்கு பதிலளித்த துரைமுருகன் வட்டத்தை ஏற்படுத்தினால் எவ்வளவு வேண்டுமானாலும் புகழ்கிறேன் என்றார். 

உடனே துணை முதல்வர் ஓ.பன்னீர்செல்வம், இன்று துரைமுருகன் கலர்புல்லாக இருக்கிறார், என்றும் 16 ஆக உள்ளார். உங்கள் இளமையின் ரகசியம் என்ன? என்றார். துணை முதல்வரின் இந்த கேள்வியால் அவையில் சிரிப்பலை எழுந்தது.