திருநெல்வேலி-கோவைக்கு சிறப்பு கட்டண ரயில்: இன்று முன்பதிவு தொடக்கம்

திருநெல்வேலி-கோவை, கோவை-செங்கோட்டைக்கு சிறப்புக் கட்டண ரயில் அறிவிக்கப்பட்டுள்ளது. இந்த ரயில்களுக்கான முன்பதிவு வெள்ளிக்கிழமை (மார்ச் 2) தொடங்குகிறது.
இதுகுறித்து தெற்கு ரயில்வே நிர்வாகம் வெளியிட்ட செய்திக் குறிப்பு:
திருநெல்வேலி - கோவைக்கு ஏப்ரல் 8-ஆம் தேதி முதல் ஜூலை 1-ஆம் தேதி வரை சனிக்கிழமைகளில் மாலை 6.20 மணிக்கு சிறப்புக் கட்டண ரயில் (06019) புறப்பட்டு, மறுநாள் காலை 4.30 மணிக்கு சென்றடையும்.
கோவை - திருநெல்வேலிக்கு ஏப்ரல் 11-ஆம் தேதி முதல் ஜூலை 4-ஆம் தேதி வரை புதன்கிழமைகளில் இரவு 11.50 மணிக்கு சிறப்புக் கட்டண ரயில் (06020) புறப்பட்டு, மறுநாள் காலை 8.35 மணிக்கு சென்றடையும்.
கோவை-செங்கோட்டை :
கோவை-செங்கோட்டைக்கு ஏப். 9-ஆம் தேதி முதல் ஜூலை 2-ஆம் தேதி வரை திங்கள்கிழமைகளில் இரவு 11.50 மணிக்கு சிறப்புக் கட்டண ரயில் (06021) புறப்பட்டு, மறுநாள் காலை 9.20 மணிக்கு சென்றடையும். செங்கோட்டை-கோவைக்கு ஏப்.10-ஆம் தேதி முதல் ஜூலை 3-ஆம் தேதி வரை செவ்வாய்க்கிழமைகளில் சிறப்புக் கட்டண ரயில் (06022) புறப்பட்டு, மறுநாள் காலை 4.30 மணிக்கு அடையும். இந்த ரயிலுக்கான முன்பதிவு வெள்ளிக்கிழமை (மார்ச் 2) தொடங்குகிறது.