திருவள்ளூரில் கார் திருட்டில் ஈடுபட்ட 3 பேர் கைது!

திருவள்ளூர் ஊத்துக்கோட்டையில் கார் திருட்டில் ஈடுபட்ட மூன்று நபர்களை போலீஸார் கைது செய்துள்ளனர். 

திருவள்ளூர் மாவட்டம் ஊத்துக்கோட்டை பகுதியில் வீடு வாடகைக்கு எடுத்து தருவதாகக் கூறி, மர்ம நபர்கள் சிலர் கார் திருட்டில் ஈடுபட்டனர். தொடர்ந்து, அப்பகுதி மக்கள் அளித்த புகாரின் பேரில் திருடுபோன கார்களை திருவள்ளூர் மாவட்ட காவல் கண்காணிப்பாளர் உத்தரவின்பேரில் ஊத்துக்கோட்டை துணைக் கண்காணிப்பாளர் சந்திரகாசன் தலைமையில் அமைக்கப்பட்ட தனிப்படை போலீஸார் தேடி வந்தனர்.

இந்நிலையில், கார் திருட்டில் ஈடுபட்ட 3 பேர் போலீஸாரால் கைது செய்யப்பட்டனர். அவர்களிடமிருந்து திருடப்பட்ட 19 சொகுசு கார்கள் பறிமுதல் செய்யப்பட்டன. மேலும், சிலரை கைது செய்ய இருப்பதாக போலீஸார் தெரிவித்துள்ளார். 

கார் திருட்டில் முக்கியக் குற்றவாளியான ஊத்துக்கோட்டையைச் சேர்ந்த பிரவீன் ஜார்ஜ், அவருக்கு உடந்தையாக இருந்த பரத் மற்றும் வெங்கடேஷ் ஆகிய மூவரும் தற்போது நீதிமன்றக் காவலில் வைக்கப்பட்டுள்ளனர்.