என்எல்சி கொதிகலன் விபத்து: காயமுற்ற அதிகாரி சிகிச்சை பலனின்றி மரணம்

கடலூர் மாவட்டம், நெய்வேலி என்எல்சி அனல் மின் நிலையத்தில் கொதிகலன் வெடித்ததில் காயமடைந்த அதிகாரி வெள்ளிக்கிழமை உயிரிழந்தார்.

நெய்வேலியில் மத்திய அரசின் பொதுத் துறை நிறுவனமான என்எல்சி இந்தியா நிறுவனம் இயங்கி வருகிறது. இங்குள்ள 2-ஆவது அனல் மின் நிலையத்தின் 5-ஆவது அலகில் புதன்கிழமை கொதிகலன் வெடித்து தீ விபத்து ஏற்பட்டது. இதில் 6 தொழிலாளர்கள் நிகவிடத்திலேயே உடல் கருகி உயிரிழந்தனர். 

அதிகாரி ஒருவர், 5 நிரந்தரம் மற்றும் 11 ஒப்பந்தத் தொழிலாளர்கள் காயமடைந்தனர். இதில், மோகன் ராஜ் தவிர மற்றோர் சென்னையில் உள்ள உள்ள தனியார் மருத்துவமனையில் அனுமதிக்கப்பட்டனர். இவர்களில் துணை தலைமை பொறியாளரான க.சிவக்குமார்(53) வெள்ளிக்கிழமை சிகிச்சை பலனின்றி உயிரிழந்தார்.