சேலம் - சென்னை பயணிகள் விமான சேவை அக்டோபர் 1-ந் தேதி (நாளை) முதல் தினசரி சேவையாக மாற்றம் செய்யப்படுகிறது.
கரோனா பாதிப்பு காரணமாக சேலம் - சென்னை பயணிகள் விமான சேவை வாரத்தின் 2 நாள்கள் மட்டும் திங்கள் மற்றும் சனிக்கிழமைகளில் இயக்கப்பட்டு வருகிறது.
இதனிடையே ஊரடங்கில் தளர்வுகள் அறிவிக்கப்பட்டுள்ள நிலையில் நாளை முதல் சேலம் - சென்னை பயணிகள் விமான சேவை தினசரி இயக்கப்படும் என ட்ரூ ஜெட் நிறுவன மேலாளர் பிரசன்னா தெரிவித்துள்ளார்.
ஆறு மாதங்களுக்குப் பிறகு சேலம் - சென்னை பயணிகள் விமான தினசரி சேவை தொடங்குகிறது என்பது குறிப்பிடத்தக்கது.