மம்தா பானர்ஜி பிறந்தநாள்: ஸ்டாலின் வாழ்த்து

சென்னை: மேற்கு வங்க முதல்வர் மம்தா பானர்ஜி பிறந்தநாளுக்கு திமுக தலைவர் ஸ்டாலின் வாழ்த்து தெரிவித்துள்ளார்.

மேற்கு வங்க மாநில முதல்வரும் திரிணமுல் காங்கிரஸ் கட்சித் தலைவருமான மம்தா பானர்ஜி தன் பிறந்தநாளை செவ்வாயன்று கொண்டாடுகிறார்.

அதற்காக திமுக தலைவர் ஸ்டாலின் அவருக்கு வாழ்த்து தெரிவித்துள்ளார்.

இதுதொடர்பாக அவர் தனது முகநூல் பக்கத்தில், ‘மேற்கு வங்க மாநில முதலமைச்சர் மாண்புமிகு. மம்தா பானர்ஜி அவர்களுக்கு அன்பான பிறந்த நாள் வாழ்த்துகள்.

மேற்கு வங்கத்தின் வளர்ச்சிக்கு தங்களின் சேவையும் பங்களிப்பும் பாராட்டிற்குரியது.

தங்கள் வாழ்வில் நல்ல உடல்நலனும், வெற்றிகளும் அடைய வாழ்த்துகிறேன்.’ என்று பதிவிட்டுள்ளார்.