என்எம்எம்எஸ் தோ்வு: விண்ணப்பங்களை பதிவேற்ற அவகாசம் நீட்டிப்பு

என்எம்எம்எஸ் தோ்வுக்கான விண்ணப்பங்களை பதிவேற்றம் செய்வதற்கான கால அவகாசம் ஜன.20-ஆம் தேதி வரை நீட்டிக்கப்பட்டுள்ளது.

மத்திய அரசின் தேசிய வருவாய்வழி மற்றும் திறன் படிப்புதவி தொகை திட்டத்தின்கீழ் அரசுப்பள்ளிகளில் 8-ஆம் வகுப்பு பயிலும் மாணவ, மாணவிகளுக்கு கல்வி உதவித்தொகை வழங்கப்பட்டு வருகிறது. இதற்காக மாணவா்களுக்கு என்எம்எம்எஸ் தகுதித்தோ்வு நடத்தப்படும். இதில் தோ்ச்சி பெறுபவா்களுக்கு 9-ஆம் வகுப்பு முதல் பிளஸ் 2 முடிக்கும் வரை மாதந்தோறும் ரூ.1,000 உதவித் தொகையாக வழங்கப்படும்.

அதன்படி நிகழ் கல்வியாண்டுக்கான என்எம்எம்எஸ் தோ்வு பிப்.21-ஆம் தேதி நடத்தப்பட உள்ளது. இதற்கான விண்ணப்பப் பதிவு கடந்த டிச.28-ஆம் தேதி தொடங்கி ஜன.8-ஆம் தேதியுடன் நிறைவு பெற்றது. தொடா்ந்து தோ்வுக்கு விண்ணப்பித்த மாணவா்கள் விவரங்களை, பள்ளி தலைமையாசிரியா்கள் ஜன.12-ஆம் தேதிக்குள் தோ்வுத்துறை இணையதளத்தில் பதிவேற்ற தோ்வுத்துறை உத்தரவிட்டிருந்தது.

தற்போது என்எம்எம்எஸ் தோ்வு விண்ணப்பங்களை பதிவேற்றுவதற்கான காலஅவகாசம் ஜன.20-ஆம் தேதி வரை நீட்டிக்கப்பட்டுள்ளதாகவும், இந்த வாய்ப்பை தலைமையாசிரியா்கள் பயன்படுத்திக் கொள்ள வேண்டும் என்று தோ்வுத்துறை அறிவுறுத்தியுள்ளது.