8 வழிச்சாலை திட்டத்துக்கு அனுமதி கூடாது: ராமதாஸ்

சென்னை - சேலம் இடையேயான 8 வழிச்சாலை திட்டத்தை தமிழக அரசு அனுமதிக்கக் கூடாது என பாமக நிறுவனா் ராமதாஸ் வலியுறுத்தியுள்ளாா்.

இது தொடா்பாக ஞாயிற்றுக்கிழமை அவா் வெளியிட்ட அறிக்கை: உச்சநீதிமன்றத் தீா்ப்புக்குப் பிறகு ஓராண்டு காலம் பொறுமையாக இருந்த மத்திய அரசு, இப்போது சென்னை - சேலம் இடையே எட்டு வழிச்சாலை அமைப்பதற்கான பணிகளைத் தொடங்கியுள்ளது. இதற்கான சமூக, பொருளாதார தாக்கம் குறித்து அறிக்கை தயாரித்து அளிக்க கேரள அரசின் கிட்கோ நிறுவனத்தை மத்திய அரசு அமா்த்தியுள்ளது. அந்த நிறுவனத்தின் சாா்பில் செங்கல்பட்டு, காஞ்சிபுரம், திருவண்ணாமலை, கிருஷ்ணகிரி, தருமபுரி, சேலம் ஆகிய மாவட்டங்களில் கருத்துக் கேட்புக் கூட்டங்களை நடத்த தேசிய நெடுஞ்சாலைகள் ஆணையம் திட்டமிட்டிருப்பதாகவும், அதற்காக அனுமதி தரும்படி தமிழக அரசிடம் அந்நிறுவனம் கோரியிருப்பதாகவும் செய்திகள் வெளியாகியுள்ளன. இத்திட்டம் செயல்படுத்தப்பட்டால் 7,000 விவசாயக் குடும்பங்கள் வாழ்வாதாரங்களை இழப்பாா்கள்.

விவசாயிகளின் நலனுக்கு முற்றிலும் எதிரானது என்பது தான் பாமகவின் நிலைப்பாடு. இது மத்திய அரசின் திட்டம் என்றாலும் கூட, அதற்குத் தேவையான நிலங்களை கையகப்படுத்துவது உள்ளிட்ட அடிப்படைப் பணிகளை தமிழக அரசு தான் செய்து கொடுத்தாக வேண்டும். தமிழக மக்களின் நலனுக்கு எதிராக 8 வழிச்சாலை திட்டத்தை செயல்படுத்த விரும்பவில்லை என்ற நிலைப்பாட்டை தமிழக அரசு எடுத்தால், சென்னை - சேலம் எட்டு வழிச் சாலை திட்டத்தை மத்திய அரசால் செயல்படுத்த முடியாது.

அதிமுக ஆட்சியில் இத் திட்டம் அறிவிக்கப்பட்டபோது, தொடக்கத்தில் தடுமாற்றமான நிலைப்பாடுகளை எடுத்தாலும் கூட, பின்னாளில் இந்தத் திட்டத்தை எதிா்ப்பதாக திமுக அறிவித்தது. இப்போது எத்தகைய நிலைப்பாட்டை திமுக அரசு எடுக்கப் போகிறது? மக்களின் பக்கம் நிற்கப் போகிா, மத்திய அரசின் பக்க நிற்கப் போகிா? என்பது தான் அனைவரின் எதிா்பாா்ப்பும். இது குறித்த நிலைப்பாட்டை தமிழக அரசு வெளிப்படையாக அறிவிக்க வேண்டும் என பாமக வலியுறுத்துகிறது என்றாா் ராமதாஸ்.