தமிழக உள்மாவட்டங்களில் லேசான பனிமூட்டம் நிலவும்

 தமிழக உள் மாவட்டங்களில் ஓரிரு இடங்களில் திங்கள்கிழமை (டிச.27) லேசான பனி மூட்டம் காணப்படும்.

இது குறித்து சென்னை வானிலை ஆய்வு மைய அதிகாரி ஞாயிற்றுக்கிழமை கூறியது: தமிழகம், புதுச்சேரி, காரைக்கால் பகுதிகளில் ஓரிரு இடங்களில் திங்கள்கிழமை (டிச.27) லேசானது முதல் மிதமான மழை பெய்யக்கூடும். ஏனைய மாவட்டங்களில் பெரும்பாலும் வட வானிலையே நிலவும்.

டிச.30: தமிழக கடலோர மாவட்டங்கள் அதனை ஒட்டிய உள் மாவட்டங்கள் மற்றும் புதுச்சேரி, காரைக்கால் பகுதிகளில் ஒரு சில இடங்களில் டிசம்பா் 30-ஆம் தேதி லேசானது முதல் மிதமான மழை பெய்யக்கூடும். ஏனைய மாவட்டங்களில் பெரும்பாலும் வட வானிலையே நிலவும்.

மூடுபனி : தமிழக உள் மாவட்டங்களில் ஓரிரு இடங்களில் திங்கள்கிழமை லேசான பனிமூட்டம் காணப்படும்.

சென்னையில்..: சென்னையைப் பொருத்தவரை திங்கள்கிழமை வானம் தெளிவாகவும், புகா் பகுதிகளில் லேசான பனிமூட்டமும் காணப்படும். அதிகபட்ச வெப்பநிலை 30 டிகிரி செல்சியஸை ஒட்டியும், குறைந்தபட்ச வெப்பநிலை 21 டிகிரி செல்சியஸை ஒட்டியும் இருக்கும் என்றாா் அவா்.