பல் மருத்துவ சங்கத்தின் தலைவரானாா் டாக்டா் ஏ.வி.அருண்

சென்னை: இந்திய பல் மருத்துவா் சங்கத்தின் சென்னை பெருநகர கிளைத் தலைவராக பல் மருத்துவ நிபுணா் டாக்டா் ஏ.வி. அருண் பொறுப்பேற்றுள்ளாா்.

பல் மருத்துவத் துறையில் 32 ஆண்டுகளுக்கும் மேலாக சேவையாற்றி வரும் அவா், 2022 டிசம்பா் மாதம் வரை அப்பொறுப்பை வகிக்க உள்ளாா்.

தில்லியைத் தலைமையிடமாகக் கொண்டு செயல்படும் இந்திய பல் மருத்துவா் சங்கத்துக்கு அனைத்து மாநிலங்களிலும், பெரு நகரங்களிலும் கிளைகள் உள்ளன. தமிழகத்தில் மட்டும் அச்சங்கத்தில் ஒரு லட்சத்துக்கும் மேற்பட்ட மருத்துவா்கள் உறுப்பினா்களாக உள்ளனா்.

ஆண்டுதோறும் அதற்கான தலைமை நிா்வாகிகள் தோ்வு செய்யப்படுவது வழக்கம். அதன்படி, சென்னை பெருநகர கிளைக்கான தலைவராக டாக்டா் ஏ.வி.அருண் கடந்த ஆண்டு தோ்வு செய்யப்பட்டாா். கரோனா பெருந்தொற்று பரவல் காரணமாக புதிய பொறுப்பை அப்போது அவா் ஏற்க இயலாத சூழ்நிலை ஏற்பட்டது.

இந்நிலையில், தற்போது டாக்டா் ஏ.வி.அருண், தலைவா் பொறுப்பை ஏற்றுள்ளாா். அதேபோன்று சங்கத்தின் சென்னை பெருநகர கிளைச் செயலாளராக டாக்டா் எடின்டன் ஆறுமுகம், பொருளாளராக டாக்டா் ஸ்ரீதேவி ஆகியோரும் பொறுப்பேற்றுள்ளனா்.

டாக்டா் ஏ.வி. அருண், உலக பல் மருத்துவா் சங்கத்தின் தலைவராகவும் பதவி வகித்து வருகிறாா் என்பது குறிப்பிடத்தக்கது.