தமிழக பாஜக எம்எல்ஏ-க்களின் முயற்சிகளுக்கு வாழ்த்துகள்: பிரதமர் மோடி ட்வீட்

தமிழக பாஜக எம்எல்ஏ-க்களின் எதிர்கால முயற்சிகளுக்கு வாழ்த்து தெரிவித்து பிரதமர் நரேந்திர மோடி ட்வீட் செய்துள்ளார்.

தமிழக பேரவைத் தேர்தலில் பாஜக சார்பில் போட்டியிட்டு வெற்றி பெற்ற எம்எல்ஏ-க்கள் நயினார் நாகேந்திரன், வானதி சீனிவாசன், எம்.ஆர். காந்தி மற்றும் சி.கே. சரஸ்வதி ஆகியோர் பிரதமர் நரேந்திர மோடியை சனிக்கிழமை சந்தித்தனர். பாஜக மாநிலத் தலைவர் எல். முருகனும் சந்திப்பின்போது உடனிருந்தார்.

இதையும் படிக்க: திமுக அரசு குறித்த ஆர்வத்தில் பிரதமர் மோடி: 35 நிமிட சந்திப்பை விவரிக்கும் வானதி சீனிவாசன்

இந்த சந்திப்பு குறித்து பிரதமர் நரேந்திர மோடி சுட்டுரைப் பக்கத்தில் பதிவிட்டுள்ளது:  

"பாஜக தமிழக தலைவர் எல். முருகன், தமிழகத்தில் வெற்றி பெற்ற பாஜக எம்எல்ஏ-க்கள் நயினார் நாகேந்திரன், வானதி சீனிவாசன், எம்.ஆர். காந்தி மற்றும் சி.கே. சரஸ்வதி ஆகியோருடன் கலந்துரையாடினேன். தமிழகத்தின் வளர்ச்சிக்கான திட்டங்களை அவர்கள் பகிர்ந்தனர். வரும் காலத்தில் அவர்களது பெரு முயற்சிகளுக்கு வாழ்த்துகள்."