ஸ்டாலினுக்கு ரஜினிகாந்த், கமல்ஹாசன் பிறந்தநாள் வாழ்த்து

திமுக தலைவர் மு.க.ஸ்டாலினுக்கு நடிகர்கள் ரஜினிகாந்த், கமல்ஹாசன் பிறந்த நாள் வாழ்த்து கூறியுள்ளனர். 
இதுகுறித்து கமல்ஹாசன் தனது சுட்டுரையில், விருட்சத்தின் கீழ் தாவரங்கள் வெளிச்சம் பெறுவதரிது. விழுதாக இருந்தால் கூடுதல் சுமை. கலைஞர் எனும் மாபெரும் பிம்பத்தின் மேலுள்ள எதிர்பார்ப்பை மிகச் சிறப்பாக நிறைவேற்றிவரும் நண்பர் மு.க.ஸ்டாலின் அவர்களை, பிறந்த நாளில் வியந்து வாழ்த்துகிறேன். இவ்வாறு அவர் குறிப்பிட்டுள்ளார். 
இதேபோல், ஸ்டாலினுக்கு நடிகர் ரஜினிகாந்த் தொலைபேசி வாயிலாக பிறந்தநாள் வாழ்த்து தெரிவித்தார்.
திமுக தலைவர் ஸ்டாலின் இன்று தனது 68ஆவது பிறந்த நாளை கொண்டாடுகிறார். இதையொட்டி, அரசியல் தலைவர்கள் மற்றும் பிரபலங்கள் பலர் அவருக்கு வாழ்த்து தெரிவித்து வருவது குறிப்பிடத்தக்கது.