நீட் விலக்கு மசோதாவை குடியரசுத் தலைவருக்கு அனுப்பி வைக்க வேண்டும்: ஆளுநரிடம் முதல்வா் நேரில் வலியுறுத்தல்

பேரவையில் நிறைவேற்றப்பட்ட நீட் விலக்கு மசோதாவை குடியரசுத் தலைவரின் ஒப்புதலுக்காக அனுப்பி வைக்க வேண்டுமென ஆளுநா் ஆா்.என்.ரவியிடம் முதல்வா் மு.க.ஸ்டாலின் கேட்டுக் கொண்டாா்.

சென்னை கிண்டியில் உள்ள ஆளுநா் மாளிகையில், ஆளுநா் ஆா்.என்.ரவியை முதல்வா் ஸ்டாலின் சனிக்கிழமை சந்தித்துப் பேசினாா். அப்போது, கரோனா நோய்த் தடுப்பு நிலவரம், மழை வெள்ள பாதிப்புகள் ஆகியன குறித்து முதல்வரிடம் ஆளுநா் ஆா்.என்.ரவி கேட்டறிந்தாா்.

அப்போது, நீட் விலக்கு மசோதாவை குடியரசுத் தலைவரின் ஒப்புதலுக்காக அனுப்பி வைக்க வேண்டுமென கேட்டுக் கொண்டாா். இந்தச் சந்திப்புக்குப் பிறகு, தமிழக அரசு வெளியிட்ட செய்தி:

மருத்துவ மாணவா் சோ்க்கையில் நீட் தோ்வு முறையானது ஏழை, எளிய கிராமப்புற மாணவா்களுக்கு பாதிப்புகளை ஏற்படுத்தி உள்ளதா என்பதை ஆராயவும், உரிய பரிந்துரைகளை அளிக்கவும் ஓய்வு பெற்ற நீதிபதி ஏ.கே.ராஜன் தலைமையில் குழுவினை முதல்வா் ஸ்டாலின் அமைத்தாா். இந்தக் குழுவானது நீட் தோ்வு பற்றி பல்வேறு தரப்பினரின் கருத்துகளைக் கேட்டறிந்தது. மருத்துவ மாணவா் சோ்க்கை பற்றிய தகவல்களைத் தீர ஆராய்ந்தும், தோ்வால் ஏற்படும் பாதிப்புகளை விளக்கி அவற்றை அகற்றிட மாற்று மாணவா் சோ்க்கை முறையை நடைமுறைப்படுத்துவது குறித்து தனது பரிந்துரைகளை அளித்தது.

மசோதா நிறைவேற்றம்: நீதிபதி தலைமையிலான குழுவின் பரிந்துரைகள் அடிப்படையில் தமிழ்நாடு சட்டப் பேரவையில் சட்ட மசோதா நிறைவேற்றப்பட்டது. இந்த மசோதாவுக்கு குடியரசுத் தலைவரின் ஒப்புதல் பெற ஆளுநருக்கு அனுப்பி வைக்கப்பட்டது. இந்த சட்ட மசோதவை உடனடியாக குடியரசுத் தலைவருக்கு அனுப்பி வைக்க வேண்டும் என்று ஆளுநா் ஆா்.என்.ரவியை சனிக்கிழமை நேரில் சந்தித்த போது, முதல்வா் மு.க.ஸ்டாலின் வலியுறுத்தினாா் என அரசின் செய்தியில் தெரிவிக்கப்பட்டுள்ளது.

இந்தச் சந்திப்பின் போது, நீா்வளத் துறை அமைச்சா் துரைமுருகன், மக்கள் நல்வாழ்வுத் துறை அமைச்சா் மா.சுப்பிரமணியன், முதன்மைச் செயலாளா் ஜெ.ராதாகிருஷ்ணன், முதல்வரின் செயலாளா்கள் த.உதயச்சந்திரன், உமாநாத், சுகாதாரத் துறை சிறப்புப் பணி அலுவலா் செந்தில்குமாா் உள்ளிட்டோா் உடனிருந்தனா்.