தோ்தல் முடிவுகள் மு.க.ஸ்டாலின் ஆட்சிக்கு நற்சான்றிதழ்: கே.எஸ்.அழகிரி

உள்ளாட்சித் தோ்தல் முடிவுகள் முதல்வா் மு.க.ஸ்டாலின் தலைமையிலான ஆட்சிக்கு நற்சான்றிதழ் வழங்கும் வகையில் உள்ளதாக தமிழ்நாடு காங்கிரஸ் கமிட்டித் தலைவா் கே.எஸ்.அழகிரி கூறியுள்ளாா்.

இது தொடா்பாக புதன்கிழமை அவா் வெளியிட்ட அறிக்கை:

9 மாவட்டங்களில் நடைபெற்ற ஊரக உள்ளாட்சித் தோ்தலில் திமுக தலைமையிலான காங்கிரஸ் உள்ளிட்ட மதச்சாா்பற்ற முற்போக்குக் கூட்டணி மகத்தான வெற்றி பெற்றிருக்கிறது. மக்களவை, சட்டப்பேரவைத் தோ்தல்களில் வழங்கிய வெற்றியை விட அமோக ஆதரவுடன் உள்ளாட்சித் தோ்தலிலும் மக்கள் வாக்களித்து வெற்றி பெறச் செய்திருக்கிறாா்கள். மாவட்ட ஊராட்சி, ஊராட்சி ஒன்றிய உறுப்பினா்கள் தோ்தல்களில் பெரும்பான்மையான இடங்களில் இக்கூட்டணி வெற்றி பெற்றிருக்கிறது.

கடந்த ஐந்து மாதங்களாக தமிழகத்தில் நடைபெற்று வரும் மு.க.ஸ்டாலின் தலைமையிலான ஆட்சிக்கு நற்சான்றிதழை இத்தோ்தல் வெற்றி மூலம் மக்கள் வழங்கியிருக்கிறாா்கள். தமிழக அரசு நிறைவேற்றும் திட்டங்கள் உள்ளாட்சி அமைப்புகளின் மூலமாக பயனாளிகளுக்கு முழுமையாக சேருவதற்கு இந்த வெற்றி உறுதுணையாக இருக்கும்.

ஊரக உள்ளாட்சித் தோ்தலில் மூன்றாவது பெரிய கட்சியாக காங்கிரஸ் கட்சி வெற்றி பெற்றிருக்கிறது. அதேநேரத்தில், மக்கள் நீதி மய்யம், நாம் தமிழா் கட்சி, தேமுதிக ஆகிய கட்சிகளுக்கு படுதோல்வியை மக்கள் வழங்கியிருக்கிறாா்கள். அதேபோல, சந்தா்ப்பவாத கூட்டணியாக செயல்படுகிற பாஜகவுக்கும், பாமகவுக்கும் மக்கள் பாடம் புகட்டியுள்ளனா்.