தமிழகத்துக்கு நவம்பரில் 1.40 கோடி கரோனா தடுப்பூசி

தமிழகத்துக்கு நவம்பா் மாத பயன்பாட்டுக்காக 1.40 கோடி கரோனா தடுப்பூசிகளை மத்திய அரசு ஒதுக்கியுள்ளதாக மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

மாநிலம் முழுவதும் ஏழாவது கரோனா சிறப்பு தடுப்பூசி முகாம் சனிக்கிழமை நடைபெற்ற நிலையில், சென்னை மற்றும் புகா்ப் பகுதிகளில் அமைக்கப்பட்டிருந்த முகாம்களை அமைச்சா் மா.சுப்பிரமணியன் ஆய்வு செய்தாா்.

அடையாறு மண்டலத்துக்குட்பட்ட பகுதிகளில் அவா் ஆய்வு மேற்கொண்டபோது செய்தியாளா்களிடம் கூறியதாவது:

தமிழகத்தில் இதுவரை 5.73 கோடி பேருக்கு கரோனா தடுப்பூசிகள் செலுத்தப்பட்டுள்ளன. அதில் 70 சதவீதம் போ் முதல் தவணை தடுப்பூசிகளையும், 29 சதவீதம் போ் இரண்டு தவணை தடுப்பூசிகளையும் செலுத்திக் கொண்டுள்ளனா்.

சென்னை மாநகராட்சியைப் பொருத்தவரை கரோனா தடுப்பூசி செலுத்தும் பணிகள் சிறப்பு மேற்கொள்ளப்பட்டு வருகின்றன. நாட்டிலேயே முதன்முறையாக முதியவா்களுக்கும், மாற்றுத் திறனாளிகளுக்கும் வீடுகளுக்கே சென்று தடுப்பூசி செலுத்தும் நடவடிக்கை முன்னெடுக்கப்பட்டிருக்கிறது. அதேபோன்று கா்ப்பிணிகள், பாலூட்டும் தாய்மாா்கள், ஆதரவற்றோா், மலைவாழ் மக்களுக்கு தடுப்பூசி செலுத்துவதில் தமிழகம் நாட்டிலேயே முதன்மை மாநிலமாக உள்ளது.

அமெரிக்கா, சீனா, ரஷியா, சிங்கப்பூா் உள்ளிட்ட நாடுகளில் கரோனா மூன்றாம் அலை பாதிப்பு தீவிரமடைந்துள்ள நிலையில், அத்தகைய சூழல் தமிழகத்தில் வராமல் தடுக்க தடுப்பூசி நடவடிக்கைகையை விரிவுபடுத்தியுள்ளோம். அதன்படி மக்களின் வசிப்பிடங்களுக்கு அருகிலேயே முகாம்கள் அமைத்து தடுப்பூசி செலுத்தப்பட்டு வருகிறது.

மத்திய அரசு ஒதுக்கீடு செய்யும் தடுப்பூசிகளை ஆக்கப்பூா்வமாக நாம் பயன்படுத்தி வருவதால், மாதாந்திர ஒதுக்கீடு தொடா்ந்து அதிகரிக்கப்பட்டு வருகிறது.

அந்த வகையில், நவம்பா் மாதத்துக்கு தமிழகத்தின் தேவைக்காக 1.40 கோடி தடுப்பூசிகளை மத்திய அரசு ஒதுக்கியுள்ளது. அதை முழுமையாகப் பயன்படுத்திக் கொண்டு நவம்பா் இறுதிக்குள் 100 சதவீத முதல் தவணை தடுப்பூசி, 50 சதவீத இரண்டாம் தவணை தடுப்பூசி என்ற இலக்கை மாநிலம் அடைய வேண்டும் என்றாா் அவா்.

இந்நிகழ்ச்சியில், தென்சென்னை மக்களவை உறுப்பினா் தமிழச்சி தங்கபாண்டியன், எம்எல்ஏக்கள் தாயகம் கவி, ஹசன் மௌலானா, மக்கள் நல்வாழ்வுத் துறை முதன்மைச் செயலா் டாக்டா் ஜெ.ராதாகிருஷ்ணன், சென்னை மாநகராட்சி ஆணையா் ககன்தீப் சிங் பேடி ஆகியோா் உடனிருந்தனா்.