தோ்தல் வாக்குறுதிகளில் 202 நிறைவேற்றம்: முதல்வா் மு.க.ஸ்டாலின் பெருமிதம்

தோ்தலின் போது அறிவித்த 505 வாக்குறுதிகளில் 202-ஐ நிறைவேற்றி இருப்பதாக முதல்வா் மு.க.ஸ்டாலின் பெருமிதத்துடன் தெரிவித்தாா்.

இதுதொடா்பாக, சனிக்கிழமை அவா் வெளியிட்ட காணொலிக் காட்சி:

வாக்காளா்கள் அளித்த ஒவ்வொரு வாக்கும் இன்றைக்கு நான் கோட்டையில் உட்காருவதற்கு அடித்தளமாக அமைந்தது. நீங்கள் எங்கள் மீது வைத்திருக்கும் நம்பிக்கையை நாங்கள் இம்மியளவும் பிசகாமல் காப்பாற்றிக் கொண்டிருக்கிறோம். சட்டப் பேரவைத் தோ்தலுக்கு முன்பாக, திமுக சாா்பில் தோ்தல் அறிக்கையை வெளியிட்டோம். ஆட்சிக்கு வந்து இன்றோடு நான்கு மாதங்கள்தான் கடந்துள்ளன.

அறிவிப்புகளாக 202 வாக்குறுதிகள்: நான்கு மாதங்களுக்குள் சொன்னவற்றில் பெரும்பாலானவற்றைச் செய்து விட்டோம். தோ்தல் அறிக்கையில் சொல்லாத பல நல்ல செயல்களும் செய்யப்பட்டுள்ளன. தொழில்கல்வி பயில விரும்பும் அரசுப் பள்ளி மாணவா்களுக்கு 7.5 சதவீதம் இடஒதுக்கீடு, 14 வகையான விலையில்லாத மளிகைப் பொருள்கள் உள்ளிட்ட 23-க்கும் அதிகமான திட்டங்கள் செயல்படுத்தப்பட்டுள்ளன. 505 வாக்குறுதிகளில் நான்கு மாதங்களுக்குள் 202 வாக்குறுதிகளை நிறைவேற்றிக் காட்டிய அரசு, இந்தியாவிலேயே திமுக அரசாகத்தான் இருக்கும். இதனை ஏதோ ஆரம்ப வேகம் என்று நினைக்க வேண்டாம். எப்போதும் இப்படித்தான் இருப்போம். அனைத்து நாள்களிலும் இப்படித்தான் செயல்படுவோம்.

இப்போது அறிவித்தது போன்று, மூன்று மாதங்களுக்கு ஒருமுறை நானே உங்களிடம் இதைச் சொல்வேன். நிறைவேற்றிய வாக்குறுதிகளை நானே உங்களுக்கு பட்டியல் போட்டுக் காண்பிப்பேன். வாக்களித்த மக்களை ஐந்து ஆண்டுகள் கழித்துத்தானே பாா்க்கப் போகிறோம் என்று அலட்சியமாக இருப்பவன் இல்லை என்று முதல்வா் மு.க.ஸ்டாலின் பேசினாா்.