திமுக கூட்டணிக் கட்சிகளின் தொகுதிப் பட்டியல் இன்று வெளியீடு

முதல் கட்ட வேட்பாளர் பட்டியலையும் கூட்டணிக் கட்சிகள் போட்டியிடும் தொகுதிகளையும் திமுக இன்று வெளியிடுகிறது. 

தமிழக சட்டப்பேரவைத் தேர்தலில் திமுக மற்றும் கூட்டணிக் கட்சிகள் போட்டியிடும் தொகுதிகளின் எண்ணிக்கை இறுதியாகியுள்ளது. 

அதன்படி, திமுக 174 தொகுதிகளிலும் கூட்டணி கட்சிகள் 60 தொகுதிகளிலும் போட்டியிடுகின்றன. 

இதில் கூட்டணிக் கட்சிகள் போட்டியிடும் தொகுதிகள் குறித்த அறிவிப்பை திமுக இன்று மதியம் வெளியிடுகிறது. அதேபோல, திமுக முதல்கட்ட வேட்பாளர்கள் பட்டியலும் இன்று வெளியாகிறது, 

திமுக, கூட்டணிக் கட்சிகள் போட்டியிடும் தொகுதிகளின் எண்ணிக்கை:

திமுக 174
காங்கிரஸ் 25
மாா்க்சிஸ்ட் 6
இந்திய கம்யூனிஸ்ட் 6
மதிமுக 6
விசிக 6
முஸ்லிம் லீக் 3
கொங்குநாடு மக்கள் தேசியக் கட்சி 3
மனிதநேய மக்கள் கட்சி 2
தமிழக வாழ்வுரிமை கட்சி 1
ஆதி தமிழா் பேரவை 1
மக்கள் விடுதலை கட்சி 1

இதில் தொகுதி உடன்பாடு காணப்பட்ட மதிமுக வேட்பாளா்கள் 6 போ், கொங்குநாடு மக்கள் தேசியக் கட்சி வேட்பாளா்கள் 3 போ், மனிதநேய மக்கள் கட்சி , தமிழக வாழ்வுரிமை கட்சி, ஆதிதமிழா் பேரவை, மக்கள் விடுதலை கட்சி ஆகியவற்றின் தலா ஒரு வேட்பாளா் உதய சூரியன் சின்னத்தில் போட்டியிட உள்ளனா். எனவே 187 தொகுதிகள் திமுக கணக்கில் எடுத்துக்கொள்ளப்படும்.