Enable Javscript for better performance
பூண்டி ஏரியிலிருந்து 8070 கன அடி உபரி நீர் வெளியேற்றம்- Dinamani

சுடச்சுட

    பூண்டி ஏரியிலிருந்து 8070 கன அடி உபரி நீர் வெளியேற்றம்

    By DIN  |   Published on : 13th November 2021 02:06 PM  |   அ+அ அ-   |    |  

    பூண்டி ஏரியிலிருந்து 8070 கன அடி உபரி நீர் கொசஸ்தலை ஆற்றில் வெளியேற்றப்பட்டு வருகிறது.

    பூண்டி ஏரியிலிருந்து 8070 கன அடி உபரி நீர் கொசஸ்தலை ஆற்றில் வெளியேற்றப்பட்டு வருகிறது.


    திருவள்ளூர்: பூண்டி ஏரி நீர்ப்பிடிப்பு பகுதியில் மழை நீர் வரத்து அதிகரித்து வருவதால் 8070 கன அடி உபரி நீர் கொசஸ்தலை ஆற்றில் வெளியேற்றப்பட்டு வருவதாக பொதுப்பணித்துறை அதிகாரிகள் தெரிவித்தனர்.

    திருவள்ளூர் மாவட்டத்தில் கடந்த 5 நாள்களாக பரவலாக மழை பெய்து வருவதால் சென்னைக்கு குடிநீர் வழங்கும் முக்கிய 5 ஏரிகளின் நீர் வரத்து அதிகமாக இருந்ததால் உபரிநீர் வெளியேற்றமும் அதிகரிக்கப்பட்டு வருகிறது.

    பூண்டி நீர்த்தேக்கம்: பூண்டி சத்தியமூர்த்தி சாகர் நீர்த்தேக்கத்தின் உயரம் 35 அடியும், 3231 மில்லியன் கன அடி நீர் கொள்ளளவு கொண்டது. தற்போதைய நிலையில் 33.90 அடி உயரமும், 2792 மில்லியன் கன அடி இருப்பு உள்ளது. இந்த நிலையில் சில நாள்களாக பெய்து மழையால் ஆந்திரம் மாநில அம்மம்பள்ளி அணை உபரி நீர், நீர்ப்பிடிப்பு பகுதி நீர்வரத்து என 8,244 கன அடியாக உள்ளது. அதனால் சனிக்கிழமை காலை முதல் 8,079 கன அடிநீர் வெளியேற்றப்படுகிறது.

    படிக்க | கோவை அரசு மருத்துவமனையில் மாணவியின் உடலை வாங்க மறுத்து போராட்டம்

    புழல் ஏரி: புழல் ஏரியின் உயரம் 21.20 அடியும், 3300 மில்லியன் கன அடிநீர் கொள்ளளவு கொண்டதாகும். தற்போதைய நிலையில் 19.17 அடி உயரமும், 2846 மில்லியன் கன அடி நீர் இருப்பு உள்ளது. மேலும், 829 கன அடியாக நீர்வரத்து உள்ளது. சென்னை குடிநீருக்கு 200 கன அடியும், உபரிநீர் 1000 கன அடி உபரி நீரும் திறந்து விடப்பட்டுள்ளது.

    செம்பரம்பாக்கம் ஏரி: செம்பரம்பாக்கம் ஏரியின் 24 அடி உயரமும், 3645 மில்லியன் கன அடி நீர் கொள்ளளவு ஆகும். தற்போதைய நிலையில் 21.34 அடி உயரமும், 2944 மில்லியன் கன அடி நீர் இருப்பு உள்ளது. குடிநீருக்காக 150 கன அடியும், 1000 கன அடி உபரிநீரும் திறந்துவிடப்பட்டுள்ளது.

    படிக்க | ரூ.71 ஆயிரம் சம்பளத்தில் மாற்றுத்திறனாளிகள் ஆணையர் அலுவலகத்தில் வேலை

    சோழவரம் ஏரி: சோழவரம் ஏரியின் உயரம் 18.86 அடியும், 1081 மில்லியன் கன அடிநீர் கொள்ளளவு கொண்டதாகும். தற்போதைய நிலையில் 17.22 அடி உயரமும், 821 மில்லியன் கன அடி நீர் இருப்பு உள்ளது. ஏரிக்கு நீர்வரத்து வினாடிக்கு 647 கனஅடியாக உள்ளது. அதனால் 500 கன அடி குடிநீருக்காகவும், 1000 கன அடி உபரி நீரும் திறந்துவிடப்பட்டுள்ளது.

    கண்ணன் கோட்டை-தேர்வாய் கண்டிகை நீர்த்தேக்கம்: கண்ணன்கோட்டை-தேர்வாய் கண்டிகை நீர்தேக்கத்தின் உயரம் 36.61 அடியில், 500 மில்லியன் கன அடி நீர் சேமிக்கலாம். தற்பதைய நிலையில் 36.61 அடி உயரமும், 500 மில்லியன் கன அடி நீரும் இருப்புள்ளது. ஏரிக்கு நீர்வரத்து 305 கன அடியாக உள்ளதால் அப்படியே உபரிநீர் 305 கன அடி வெளியேற்றப்படுகிறது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp