தமிழகத்தில் 4 நாள்களுக்குப் பிறகு பாதிப்பு குறைவு: புதிதாக 1,556 பேருக்கு கரோனா

தமிழகத்தில் கடந்த 24 மணி நேரத்தில் புதிதாக 1,556 பேருக்கு கரோனா தொற்று உறுதி செய்யப்பட்டுள்ளது. ஒரு நாளில் மட்டும் 18 பேர் பலியாகினர்.

கடந்த 4 நாள்களாக கரோனா பாதிப்பு அதிகரித்து வந்த நிலையில், இன்று (செப்.6) சற்று குறைந்துள்ளது.

படிக்க | கோவையில் குறையாத கரோனா: பாதிப்பில் முதலிடம்

தமிழக கரோனா பாதிப்பு நிலவரம் குறித்து சுகாதாரத் துறை திங்கள் கிழமை (செப்.6) வெளியிட்டுள்ள அறிக்கையில்,

புதிதாக 1,556 பேருக்கு நோய்த் தொற்று இருப்பது உறுதி செய்யப்பட்டுள்ள நிலையில், இதுவரை மொத்தமாக பாதிக்கப்படோர் எண்ணிக்கை 26,24,234-ஆக உயர்ந்துள்ளது.

இன்று பலி எண்ணிக்கை 18-ஆக குறைந்துள்ளது. எனினும் இதுவரை மொத்தமாக உயிரிழந்தோரின் எண்ணிக்கை 35,036-ஆக அதிகரித்துள்ளது.

படிக்க | சென்னை, புறநகர் பகுதிகளில் கனமழை

கரோனாவிலிருந்து 1,564 பேர் குணமடைந்து வீடு திரும்பியுள்ளனர். இதுவரை மொத்தமாக குணமடைந்து வீடு திரும்பியோர் எண்ணிக்கை 25,72,942-ஆக அதிகரித்துள்ளது.

கரோனாவால் பாதிக்கப்பட்டு பல்வேறு மருத்துவமனைகளிலும், வீடுகளிலும் 16,256 பேர் சிகிச்சை பெற்று வருகின்றனர். இன்று ஒரு நாளில் மட்டும்  1,55,088 பேருக்கு கரோனா பரிசோதனை செய்யப்பட்டுள்ளது.