ஐஐடியின் பிஎஸ்சி டேட்டா சயின்ஸ் படிப்புக்கு விண்ணப்பிக்கலாம்

சென்னை ஐஐடியின் பிஎஸ்சி டேட்டா சயின்ஸ் பாடப் பிரிவில், பிளஸ் 1, பிளஸ் 2 மாணவா்கள் விண்ணப்பிக்கலாம் என அறிவிக்கப்பட்டுள்ளது.

இதுதொடா்பாக வெளியிடப்பட்ட செய்திக் குறிப்பு: சென்னை ஐஐடியின் பிஎஸ்சி டேட்டா சயின்ஸ் பாடப் பிரிவில் நிகழாண்டு மே மாதம் பிளஸ் 1 முடிக்கும் மாணவா்களும், தற்போது பிளஸ் 2 படிக்கும் மாணவா்களும் விண்ணப்பிக்கலாம். தகுதிபெறும் பட்சத்தில் பிளஸ் 2 வகுப்பை முடித்து விட்டு, இந்தப் படிப்பைத் தொடங்கலாம். ஜேஇஇ அட்வான்ஸ்டு (2021) தோ்வுக்குத் தகுதி பெறும் மாணவா்கள், மே மாதம் தொடங்கவுள்ள இந்த பிஎஸ்சி வகுப்பில் சேரலாம். விருப்பமுள்ள மாணவா்கள் இணையதளம் மூலம் ஏப்.20-ஆம் தேதிக்குள் விண்ணப்பிக்க வேண்டும் என தெரிவிக்கப்பட்டுள்ளது.