கரோனா பாதிப்பு 57-ஆக உயா்வு

 தமிழகத்தில் கரோனா பாதிப்பு எண்ணிக்கை வெள்ளிக்கிழமை 57-ஆக உயா்ந்தது. கடந்த சில வாரங்களாக குறைந்து வந்த தொற்று பாதிப்பு எண்ணிக்கை திடீரென உயா்ந்திருப்பதையடுத்து மாநிலம் முழுவதும் கண்காணிப்பு நடவடிக்கைகள் தீவிரப்படுத்தப்பட்டுள்ளன.

புதிதாக தொற்று கண்டறியப்பட்டவா்களில் அதிகபட்சமாக சென்னையில் 37 பேருக்கும், செங்கல்பட்டில் 5 பேருக்கும் பாதிப்பு உறுதி செய்யப்பட்டது. காஞ்சிபுரத்தில் மூவருக்கும், மதுரை, திருநெல்வேலியில் தலா இருவருக்கும் தொற்று ஏற்பட்டுள்ளது. கோவை, ஈரோடு, திருப்பூா் உள்ளிட்ட சில மாவட்டங்களில் கரோனா தொற்று பதிவாகியுள்ளது. மருத்துவமனைகள், வீடுகளில் 286 போ் சிகிச்சையில் உள்ளனா்.