எலியட்ஸ் கடற்கரையில் 3 நாள்கள் போக்குவரத்து மாற்றம்

சென்னை நாள் கொண்டாட்டத்தையொட்டி, பெசன்ட்நகா் எலியட்ஸ் கடற்கரையில் 3 நாள்கள் போக்குவரத்து மாற்றம் செய்யப்படுகிறது.

இது குறித்து சென்னை பெருநகர காவல்துறையின் போக்குவரத்துப் பிரிவு வியாழக்கிழமை வெளியிட்ட செய்திக் குறிப்பு:

சென்னை பெருநகர மாநகராட்சி சாா்பில் ஆகஸ்ட் 20, 21-ஆம் தேதிகளில் பெசன்ட்நகா் எலியட்ஸ் கடற்கரையில் சென்னை நாள் நிகழ்ச்சியை நடத்தத் திட்டமிடப்பட்டுள்ளது. இதை கருத்தில் கொண்டு, பெசன்ட் நகா் 6-ஆவது நிழற்சாலை புறக்காவல் நிலையம் முதல் மீன் கடை (16-ஆவது குறுக்குத் தெரு) வரை சுமாா் 850 மீட்டா் தூரத்துக்கு 20-ஆம் தேதி மாலை 6 மணி முதல் 22-ஆம் தேதி மாலை 6 மணி வரை போக்குவரத்து மாற்றம் செய்யப்படுகிறது.

இதன்படி, 7-ஆவது நிழற்சாலையிலிருந்து 6-ஆவது நிழற்சாலை வரை எலியட்ஸ் கடற்கரைக்கு வாகனங்கள் வருவதற்குத் தடை விதிக்கப்படும். அந்த வாகனங்கள், 16-ஆவது குறுக்குத் தெரு வழியாக 2-ஆவது நிழற்சாலையை நோக்கி திருப்பி விடப்படும்.

16-ஆவது குறுக்குத் தெருவில் இருந்து 6-ஆவது நிழற்சாலையை நோக்கிச் செல்ல வாகனங்கள் தடை செய்யப்படும். அந்த வாகனங்கள், 2-ஆவது நிழற்சாலை, 16-ஆவது குறுக்குத் தெரு சந்திப்பில் திருப்பி விடப்படும். மூன்றாவது பிரதான சாலையில் இருந்து 6-ஆவது நிழற்சாலையை நோக்கி வாகனங்கள் செல்ல தடை செய்யப்பட்டு, 3-ஆவது பிரதான சாலை, 2-ஆவது நிழற்சாலை சந்திப்பில் திருப்பி விடப்படும்.

4-ஆவது பிரதான சாலை, 5-ஆவது நிழற்சாலையில் இருந்து 6-ஆவது நிழற்சாலை வழியாக எலியட்ஸ் கடற்கரைக்கு வாகனங்கள் செல்ல தடை விதிக்கப்படும். அந்த வாகனங்கள், 4-ஆவது பிரதான சாலை, 5-ஆவது நிழற்சாலை வழியாகத் திருப்பி விடப்படும்.