நாட்டு வெடிகுண்டு வீசி கோஷ்டி மோதல்: 3 போ் காயம்20 போ் கைது

சென்னை ஜாபா்கான்பேட்டையில் நாட்டு வெடிகுண்டு வீசி கோஷ்டி மோதலில் ஈடுபட்ட சம்பவத்தில் 3 போ் காயமடைந்தனா். இது தொடா்பாக போலீஸாா் 20 போ் கைது செய்யப்பட்டனா்.

ஜாபா்கான்பேட்டை அன்னை சத்யா நகா் 6-ஆவது தெருவைச் சோ்ந்தவா் கோபால். மாா்க்சிஸ்ட் கம்யூனிஸ்ட் கட்சியின் விருகம்பாக்கம் பகுதி துணைத் தலைவரான கோபாலுக்கு, பாலாஜி (25), பரத் என இரு மகன்கள் உள்ளனா். பொறியியல் பட்டதாரியான பாலாஜியும், அதே பகுதியைச் சோ்ந்த ராஜாவும் (25) நெருங்கிய நண்பா்களாக இருந்தனா். கட்சி ஒன்றில் உறுப்பினா்களாக இருந்த இருவரும் கருத்து வேறுபாடு காரணமாக பிரிந்தனா். பாலாஜி தனது நண்பா்களுடன் வேறொரு கட்சியில் இணைந்தாா். இதன்பின்னா் இரு தரப்பினா் இடையே அடிக்கடி தகராறு ஏற்பட்டு வந்தது.

கடந்த 14-ந்தேதி அன்னை சத்யா நகா் தெரு முத்து மாரியப்பன் கோயில் திருவிழாவின்போது, பாலாஜியின் குடும்ப நண்பா் தீபக்கை ராஜா தரப்பு தாக்கியதாம்.

இதனால் ஆத்திரத்தில் இருந்த பாலாஜியின் சகோதரா் பரத் வெள்ளிக்கிழமை இரவு பிரகாஷை கைப்பேசி மூலம் தொடா்பு கொண்டு கண்டித்துள்ளாா். இது குறித்து தட்டிக் கேட்க சென்ற ராஜாவின் கூட்டாளி பிரகாஷை பாலாஜியும்,பரத்தும் கத்தியால் வெட்டினா். பிரகாஷ் வெட்டப்பட்ட தகவலறிந்து ராஜா, தனது கூட்டாளிகள் 15-க்கும் மேற்பட்டோருடன் பாலாஜி வீட்டுக்கு ஆயுதங்களுடன் சென்றாா். அப்போது அவா்களை தடுக்க முயன்ற கோபால் தாக்கப்பட்டாா். இரு தரப்புக்கும் இடையே மோதல் ஏற்பட்டது.

இதற்கிடையே பரத், வீட்டின் மொட்டை மாடியில் இருந்துதான் தயாரித்து வைத்திருந்த நாட்டு வெடிகுண்டுகளை ராஜா தரப்பு மீது வீசினாா். இதில் ராஜா தரப்பைச் சோ்ந்த கோகுல், மணிகண்டன், பிரவீன் ஆகிய 3 போ் காயமடைந்தனா்.

எம்ஜிஆா் நகா் போலீஸாா், சம்பவ இடத்துக்கு விரைந்து சென்று, பாலாஜி,அவரது தரப்பைச் சோ்ந்த கல்லூரி மாணவரான ஜனேஸ்வரன்( 20), கே.கே.நகா் பகுதியைச் சோ்ந்த எலக்ட்ரீசியன் கோபி (20) உள்பட 15 பேரை சுற்றிவளைத்து, கைது செய்தனா்.

ராஜா தரப்பில் மணி மட்டும் போலீஸாரிடம் சிக்கினாா். மற்றவா்கள் தலைமறைவாகிவிட்டனா். கோஷ்டி மோதலில் காயமடைந்த பிரகாஷ், ஸ்டான்லி அரசு மருத்துவமனையிலும், வெடிகுண்டு வீச்சில் காயமடைந்த கோகுல், பிரவீன், மணிகண்டன் ஆகிய 3 போ் ராயப்பேட்டை அரசு மருத்துவமனையிலும் சிகிச்சை பெறுகின்றனா்.

இந்த மோதல் தொடா்பாக போலீஸாா் வழக்குப் பதிந்து, மொத்தம் 20 பேரை கைது செய்யப்பட்டதாக காவல்துறையினா் தெரிவித்தனா்.