மீண்டும் பாஜகவில் இணைந்தார் அர்ஜுனமூர்த்தி!

ரஜினியின் அரசியல் ஆலோசகராக இருந்த அர்ஜுனமூர்த்தி இன்று மீண்டும் பாஜகவில் இணைந்தார். 

பாஜகவின்  அறிவுசார் பிரிவு தலைவராக இருந்த அர்ஜுனமூர்த்தி, ரஜினி அரசியல் கட்சி தொடங்கியபோது அவரது கட்சியின் தலைமை ஒருங்கிணைப்பாளராக நியமிக்கப்பட்டார். 

பின்னர் ரஜினி தன்னுடைய அரசியல் பிரவேசத்தை கைவிட்ட நிலையில், அர்ஜுனமூர்த்தி, 'இந்திய மக்கள் முன்னேற்றக் கட்சி' என்ற புதிய கட்சியைத் தொடங்கி செயல்பட்டு வந்தார். 

இந்நிலையில், தனது கட்சியை கலைத்துவிட்டு இன்று மீண்டும் பாஜகவில் இணைந்துள்ளார். 

சென்னை தி. நகரில் பாஜக தலைமை அலுவலகமான கமலாலயத்தில் தமிழக பாஜக தலைவர் அண்ணாமலை முன்னிலையில் பாஜகவில் இணைந்தார்.