பிப்-5-ல் பிரதமர் மோடி ஐதராபாத் பயணம்

பிரதமர் மோடி பிப்ரவரி 5-ஆம் தேதி ஹைதராபாத் சுற்றுப்பயணம் மேற்கொள்கிறார்.  

பின்னர் பிற்பகல் 2.45 மணியளவில் ஹைதராபாத் பத்தன்செருவில் உள்ள சர்வதேச பயிர் ஆராய்ச்சி நிறுவன வளாகத்திற்கு (இக்ரிசாட்) பிரதமர் செல்கிறார். தொடர்ந்து அந்நிறுவனத்தின் 50-வது ஆண்டு கொண்டாட்டத்தையும் தொடங்கி வைக்கிறார். 

இதன்பின்னர் மாலை 5 மணியளவில் ஹைதராபாத்தில் 216 அடி உயர ராமானுஜர் சிலையை(சமத்துவச் சிலை) பிரதமர் நாட்டுக்கு அர்ப்பணிக்கிறார். இந்த நிகழ்ச்சியில், ராமானுஜர் போதனைகள். வாழ்க்கைப் பயணம் ஆகியவை குறித்த முப்பரிமாண காட்சி இடம் பெறும். 

இதையும் படிக்க- ‘கஜகஸ்தானில் உள்ள இந்தியர்களை மீட்கும் திட்டம் இல்லை’: மத்திய அரசு

சமத்துவச் சிலையை சுற்றிலும் அமைக்கப்பட்டுள்ள 108 திவ்யதேசங்களின் அடையாள அமைப்புகளை பிரதமர் பார்வையிடுவார். 5 உலோகங்களைக் கொண்ட பஞ்சலோகத்தால் தயாரிக்கப்பட்ட ராமானுஜர் சிலை உலகில் அமர்ந்த நிலையில் உள்ள உயரமான உலோகச் சிலைகளில் ஒன்றாகும்.