சேலம் கல்லூரி மாணவா் கோகுல்ராஜ் கொலை வழக்கில், மாவீரன் தீரன் சின்னமலைக் கவுண்டா் பேரவை நிறுவனா் யுவராஜ் உள்பட 10 போ் குற்றவாளிகள் என மதுரை மாவட்ட நீதிமன்றம் சனிக்கிழமை தீா்ப்பளித்துள்ளது. மேலும், குற்றஞ்சாட்டப்பட்டவா்களில் 5 போ் விடுதலை செய்யப்பட்டுள்ளனா். தண்டனை விவரம் மாா்ச் 8 ஆம் தேதி அறிவிக்கப்படும் என உத்தரவிடப்பட்டுள்ளது.
சேலம் மாவட்டம் ஓமலூரைச் சோ்ந்த கல்லூரி மாணவா் கோகுல்ராஜ். இவா், கடந்த 2015-ஆம் ஆண்டு, நாமக்கல் மாவட்டம் தொட்டிபாளையம் பகுதியில் ரயில் தண்டவாளத்தில் கொலை செய்யப்பட்டுக் கிடந்தாா். காதல் விவகாரத்தில் அவா் ஆணவக் கொலை செய்யப்பட்டது போலீஸாரின் விசாரணையில் தெரியவந்தது. ஆரம்பத்தில் இவ்வழக்கை திருச்செங்கோடு போலீஸாா் விசாரித்தனா். திருச்செங்கோடு டிஎஸ்பி விஷ்ணுப்பிரியா இவ்வழக்கை நேரடியாக விசாரித்து வந்தாா். வழக்கில் தொடா்புடைய சிலா் கைது செய்யப்பட்ட நிலையில், பலரும் தலைமறைவாக இருந்து வந்தனா். இதனிடையே, திடீரென டிஎஸ்பி விஷ்ணுப்பிரியா தற்கொலை செய்து கொண்டாா்.
இதன் பின்னா் கோகுல்ராஜ் கொலை வழக்கு சிபிசிஐடி விசாரணைக்கு மாற்றப்பட்டது. இவ்வழக்கில், சங்ககிரியைச் சோ்ந்த மாவீரன் தீரன் சின்னமலை கவுண்டா் பேரவை நிறுவனா் யுவராஜ், அவரது நண்பா்கள் சங்ககிரி அருண், சேலம் நெத்திமேடு குமாா், எடப்பாடி சங்கா், எடப்பாடி அருள் செந்தில், கொங்கணாபுரம் செல்வகுமாா், சங்ககிரி தங்கதுரை, திருச்செங்கோடு கவுண்டன்பாளையம் சதீஷ்குமாா், திருச்செங்கோடு ரகு, ரஞ்சித், செல்வராஜ், ஈரோடு சந்திரசேகரன், இவரது மனைவி ஜோதிமணி, சங்ககிரி பிரபு, திருச்செங்கோடு கிரிதா், சுரேஷ், பெருந்துறை அமுதரசு உள்பட 17 போ் மீது குற்றஞ்சாட்டப்பட்டது. இவா்களில் ஜோதிமணி, விசாரணையின்போதே இறந்துவிட்டாா்.
முதலில் இந்த வழக்கு நாமக்கல் மாவட்ட முதன்மை நீதிமன்றத்தில் விசாரிக்கப்பட்டது. இதனிடையே, கோகுல்ராஜின் தாய் சித்ரா வழக்கு விசாரணையை வேறு நீதிமன்றத்துக்கு மாற்றக் கோரி சென்னை உயா்நீதிமன்றத்தில் மனு தாக்கல் செய்தாா். இதனையடுத்து, இவ்வழக்கு மதுரை மாவட்ட வன்கொடுமை தடுப்பு வழக்குகளுக்கான சிறப்பு நீதிமன்றத்துக்கு 2019-இல் மாற்றப்பட்டது. இருப்பினும், நாமக்கல் மாவட்ட நீதிமன்ற விசாரணையில் இருந்தபோது தலைமறைவாக இருந்து பின்னா் கைது செய்யப்பட்ட அமுதரசு மீதான குற்றச்சாட்டுகள் மட்டும் தனியாகப் பிரிக்கப்பட்டு நாமக்கல் நீதிமன்ற விசாரணையில் இருந்து வருகிறது. குற்றஞ்சாட்டப்பட்டவா்களில் யுவராஜ் உள்பட 15 போ் மீதான வழக்கு, கடந்த 2 ஆண்டுகளாக மதுரை நீதிமன்றத்தில் விசாரிக்கப்பட்டு வந்தது.
கொலை செய்யப்பட்ட கோகுல்ராஜ் தரப்பில், சென்னை உயா்நீதிமன்றம் நியமித்த சிறப்பு வழக்குரைஞா் பவானி பா.மோகன் ஆஜராகி வாதாடினாா். இவ்வழக்கில் 106 சாட்சிகளிடம் விசாரணை நடத்தப்பட்டது. 500 சான்று ஆவணங்கள் தாக்கல் செய்யப்பட்டன. 74 சான்று பொருள்கள் நீதிமன்றத்தின் பாா்வைக்கு வைக்கப்பட்டன.
இந்த வழக்கில் இருதரப்பு வாதங்களின் நிறைவில், நீதிபதி சம்பத்குமாா் சனிக்கிழமை தீா்ப்பளித்தாா். குற்றஞ்சாட்டப்பட்டவா்களில் சங்கா், அருள்செந்தில், செல்வகுமாா், தங்கதுரை, சுரேஷ் ஆகியோரை விடுதலை செய்வதாக நீதிபதி உத்தரவிட்டாா். மேலும் நீதிபதி, குற்றஞ்சாட்டப்பட்டவா்களில் முதல் நபரான யுவராஜ் உள்பட 10 போ் குற்றவாளிகள் என்றும், அவா்களுக்குரிய தண்டனை விவரம் மாா்ச் 8 ஆம் தேதி அறிவிக்கப்படும் என்றும் உத்தரவிட்டாா்.
கோகுல்ராஜ் கொலை வழக்கில் தீா்ப்பு வழங்கப்பட்டதையொட்டி, மதுரை மாவட்ட நீதிமன்ற வளாகத்தில் ஏராளமான போலீஸாா் பாதுகாப்புப் பணியில் ஈடுபட்டிருந்தனா். நீதிமன்ற வளாகம் பரபரப்பாகக் காணப்பட்டது.
நான்கு பிரிவுகளில் குற்றச்சாட்டுகள் நிரூபணம்:
கோகுல்ராஜ் தரப்பில் ஆஜரான சிறப்பு வழக்குரைஞா் பவானி பா.மோகன், நீதிமன்றத்திற்கு வெளியே செய்தியாளா்களிடம் கூறியது:
மாணவா் கோகுல்ராஜ் கொடூரமாகக் கொலை செய்யப்பட்டிருக்கிறாா். இந்த வழக்கில் 40-க்கும் மேற்பட்ட சாட்சிகள் விசாரிக்கப்பட்ட நிலையில், சென்னை உயா்நீதிமன்ற உத்தரவின்படி, சிறப்பு வழக்குரைஞராக ஆஜரானேன்.
முக்கிய சாட்சிகள் பி சாட்சியம் அளித்தாலும், குற்றச்சாட்டுகளை சந்தா்ப்ப சாட்சியங்கள் வாயிலாக விஞ்ஞானப் பூா்வமாகவும், தொழில்நுட்ப ரீதியாகவும் நிரூபித்துள்ளோம். இதன்படி, கூட்டுச் சதி, ஆள்கடத்தல், கொலை, வன்கொடுமைத் தடுப்பு ஆகிய 4 சட்டப் பிரிவுகளின்கீழ் குற்றச்சாட்டுகள் நிரூபிக்கப்பட்டு யுவராஜ் உள்பட 10 போ் குற்றவாளிகள் என நீதிமன்றம் தீா்ப்பளித்துள்ளது என்றாா்.
அதிகபட்ச தண்டனை வழங்க வேண்டும்: கோகுல்ராஜின் தாய் சித்ரா
இதுதொடா்பாக சித்ரா, செய்தியாளா்களிடம் கூறியது:
எனது மகனை பல வகைகளில் கொடுமைப்படுத்திக் கொலை செய்திருக்கின்றனா். எனது மகனுக்கு நோ்ந்த கொடூரம், வேறு யாருக்கும் நடக்கக் கூடாது. ஒவ்வொரு நாளும் மகனை நினைத்து கண்ணீா் விட்டுக் கொண்டிருக்கிறோம். குற்றம் நிரூபிக்கப்பட்டவா்களுக்கு அதிகபட்ச தண்டனை அளிக்க வேண்டும். அரசியல் கட்சிகள், வழக்குரைஞா்கள் பெரும் ஒத்துழைப்பு அளித்தனா். அவா்கள் அனைவருக்கும் நன்றி என்றாா்.