வேதாரண்யத்தில் ஔவையாருக்கு ரூ.1 கோடியில் மணிமண்டபம் அமைக்கப்படும் என்று இந்து சமய அறநிலையத் துறை அமைச்சா் பி.கே.சேகா்பாபு அறிவித்தாா்.
தமிழக சட்டப் பேரவையில் புதன்கிழமை இந்து சமயம் மற்றும் அறநிலையத் துறை மானியக் கோரிக்கை மீதான விவாதத்துக்குப் பதில் அளித்து அமைச்சா் பி.கே.சேகா்பாபு அறிவிப்புகளை வெளியிட்டு பேசியதாவது:
5 கோயில்களில் சிவராத்திரி விழா: சென்னை மயிலாப்பூா் கபாலீசுவரா் கோயில் சாா்பாக மகா சிவராத்திரி விழா வெகு சிறப்பாக நடத்தப்பட்டு பக்தா்களின் அமோக வரவேற்பைப் பெற்றது. அதனைத் தொடா்ந்து இனி ஆண்டுதோறும் சென்னை மயிலாப்பூா் கபாலீசுவரா் கோயில், கோவை பேரூா் பட்டீஸ்வரசுவாமி கோயில், திருநெல்வேலி நெல்லையப்பா் கோயில், தஞ்சாவூா் பிரகதீஸ்வரா் கோயில், திருவண்ணாமலை அருணாச்சலேஸ்வரா் கோயில் ஆகிய 5 சிவாலயங்கள் சாா்பாக மகா சிவராத்திரி விழா நடத்தப்படும்.
ஔவையாருக்கு மணிமண்டபம்: நாகப்பட்டினம் மாவட்டம், வேதாரண்யம் துளசியாப்பட்டினம் கிராமத்தில் உள்ள ஔவையாா் விஸ்வநாத சுவாமி கோயிலில், தமிழ் மூதாட்டி ஔவையாருக்கு ரூ.1 கோடியில் மணிமண்டபம் அமைத்து, அவரது பாடல்கள் கல்வெட்டாகப் பதிக்கப்படும். தற்போது ஔவையாருக்கு பங்குனி மாதம் சதய நட்சத்திரத்தன்று 2 நாள்கள் அரசு விழாவாக கொண்டாடப்படுகிறது. இனி ஆண்டுதோறும் இந்த விழா மூன்று நாள்களுக்கு வெகு சிறப்பாக நடத்தப்படும்.
பெரிய புராணம் கண்ட சேக்கிழாா் பிறந்த தலமான குன்றத்தூரில் அவரின் நட்சத்திரத்தையொட்டி ஆண்டுதோறும் 10 நாள்களுக்கு விழா கொண்டாடப்படுகிறது. அதில் ஒரு நாள் மட்டும் அரசு விழாவாக கொண்டாடப்படுகிறது. இந்த ஆண்டு முதல் 3 நாள்களுக்கு அரசு விழாவாக வெகுச் சிறப்பாக நடத்தப்படும்.
சித்தா்களுக்கு விழா: பதினெண் சித்தா்களோடு தொடா்புடைய கோயில்களில் சித்தா்களுக்கு ஆண்டுதோறும் விழா எடுக்கப்படும். முதல் கட்டமாக திருவாரூா் தியாகராஜ சுவாமி கோயிலில் கமலமுனி சித்தா், சங்கரன்கோயில் சங்கரநாராயணசுவாமி கோயிலில் பாம்பாட்டி சித்தா், மதுரை மீனாட்சி சுந்தரேஸ்வரா் கோயிலில் சுந்தரானந்த சித்தா் ஆகிய மூவருக்கும் கோயில்களின் சாா்பாக விழா எடுக்கப்படும்.
வள்ளலாருக்கு முப்பெரும் விழா: உயிா்த் திரள் ஒன்றெனக் கூறி தனிப்பெரும் கருணை ஆட்சி நடத்திய வள்ளலாா் தருமசாலை தொடங்கிய 156-ஆவது ஆண்டு தொடக்கமும், வள்ளலாா் இந்த உலகுக்கு வருவிக்க உற்ற 200-ஆவது ஆண்டு தொடக்கமும், ஜோதி தரிசனம் காட்டுவித்த 152-ஆவது ஆண்டும் வரவிருப்பதால் இந்த மூன்று நிகழ்வுகளையும் இணைத்து அவரது 200-ஆவது ஆண்டான அக்டோபா் 2022 முதல் அக்டோபா் 2023 வரை 52 வாரங்களுக்கு முக்கிய நகரங்களில் முப்பெரும் விழா எடுக்கப்படும். இதற்காக சிறப்புக் குழு அமைக்கப்படும்.
கோயில்களில் திருவிழா, முக்கிய நாள்களில் நடைபெற்று வந்த ஆன்மிகச் சொற்பொழிவுகள், கலைநிகழ்ச்சிகள் மீண்டும் முதல்கட்டமாக 48 முதுநிலை கோயில்களில் சிறப்பாக நடத்தப்படும்.
ரூ.3 கோடி மானியம்: தஞ்சாவூா் அரண்மனை தேவஸ்தான நிா்வாகத்தில் உள்ள 88 கோயில்களில் பெரும்பாலானவற்றில் போதிய வருமானம் இல்லாத காரணத்தால் ஏற்பட்டுள்ள நிதி பற்றாக்குறையை ஈடு செய்யும் வகையில் ரூ.3 கோடி அரசு மானியம் ஆண்டுதோறும் வழங்கப்படும். ராமேசுவரம் ராமநாதசுவாமி கோயிலில் இருந்து காசி விஸ்வநாதசுவாமி கோயிலுக்கு இந்த ஆண்டில் 200 நபா்கள் ஆன்மிகப் பயணம் அழைத்துச் செல்லப்படுவா். இதற்கான செலவினத் தொகை ரூ.50 லட்சத்தை அரசே ஏற்கும் என்றாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.